عذوبة المطر ، مبتعثه متفائله
ان شاءالله راح انتظر ولو أن الأنتظار يوجع ،،
عجزت أمنع نفسي ما اراقبه ف الواتس اب
كل يوم يجلس ب الساعات عليه وانا قلبي يعتصر
مازلت أحن لزوجي واحيان أقول لنفسي { احسد اللي جالس تراسلهم ويراسلونك }
وانا زوجتك وحلالك وحارمني منك ،،
اوقات اتمنى لو بس يرسل لي يسأل عن البنات ويطمن عليهم
حتى بنتي الصغيره لما خواتي يسألونها وين بابا ترد بكل براءه
وتقول { بابا خلاص راح }
اول ما اسمعها تقول كذا على طول أبكي ونفسي لو يسمعها وهي
تقول هالكلام بس للأسف ماعنده احساس وقلبه زي الحجر ،،
اتربى في بيئه وعاش اوضاع صعبه لأن أبوه كان انسان قاسي وصارم ،،
وحتى لما اوقات كنا نجلس مع بعض واحكيله عن بعض الخلافات الزوجيه
أو مثلا صدقيتي متخاصمه مع زوجها على طول يقف بصف الأزواج ويدافع عنهم
ويقول اصلا الحريم ما ينعطوا وجه أبد ولا احد يرخي لهم الحبل ابدا لازم الواحد
يوريهم العين الحمراء ،، كان يقولها بشوية مزح بس ماكنت أدري انه بيجي يوم
ويطبق علي هالأسلوب بمعنى الكلمه ،،
شخصيته متعبه جدا ومع ذلك مستعده أتحمله بس عشان بناتي
ماينحرموا منه مثل ما ابنه محروم منه ومن أمه كمان ،،