كريستالة ، أمس أنا قلت الكلام هذا برضو لنفسي ..

قلت لنفسي ( إنه أنا خلال فترة الملكة ، قدر زوجي يضحك علي و يمثل علي إنه ملتزم و شيخ و إنه و إنه
و هي ثمانية أشهر )

معنى كذا ، إنه باستطاعته الآن ، التمثيل علي و حتى لو تركته سنة كاملة أقل شي ..
و ما راح يتغير لإنه طلع زوجي ماشي في الطريق هذا من زماان ..

و كمان يقولوا إنه يحشش و يشرب ؟
هذه ما تأكدت منها ، لكن نفس الشي زمان كانوا يقولوا عن الحريم و ما كنتت متاكدة ..

فمو معقولة الآن أكثر من شخص يقولولي يحشش ،
و كلهم ما يعرفوا بعض و ناس هنا و ناس في بريطانيا ..

.
.


أنا قررت الطلاق .. و راح أقول كل شي ، لكن كنت أقصد هل أعطيهم الجوال ؟
لإنه الجوال راح يثبت عليه و راح يكون فيها جلد و سجن .. أمس قال لي شيخ الشي هذا


و أصلا دحين اللي لقيت أجوبة كل شي مريت به من خلال حياتي معاه ..

عرفت ليه كان دايم يغيب عن البيت ، ليه دايم يقول اسدد ديوني ، ليه دايم يتكلم برموز و ألغاز
و دايم يمسح الرسايل من جواله ، ليه أهله أحسهم عارفين عنه أشياء و يخبوا عني ؟
ليه و ليه و ليه ..

كلها عرفتها الآن ..