رد : مفترق طرق بيني وبين زوجتي.!
اشكر الجميع على مشاركتهم
وساطرق باب المحاكم شروطهم تعجيزيه ويريدون الذل
وماراح يخلوني بحالي حتى لو تنازلت عشان زوجتي وعيالي
اول الشروط موخر يعني لو ترجع بكره وتنكد علي تعرف ان فيه موخر
او ممكن يتعمدون ينكدون علي وينتقمون لعلمهم ان فيه موخر
او يتعمدون الطلاق بعدين لوجود موخر لانهم ناس ماديين درجه اولى
الثاني شقه جنب اهلها يعني التدخلات مازالت مستمره علما ان اهلها يبعدون عني
تقريبا 100 كم ع كلامهم انها ماهي راجعه لبيتها ولاتبيه بيت ملك تعبت عليه
دفعت فيه تعبي كله اتركه واروح استاجر شقه غرفتين
وزود على ذلك اترك اهلي امي وابوي لسواد عيونهم معصي
الشروط الثانيه عن الاحترام ومالاحترام .. يقولون بعد هذا كله وبعد مانسجله
نحل موضوعك مع زوجتك .. زوجتي مثل الاطرش بالزفه كل هالامور متاكد انها امها
لان امها مهايطيه وماديه
العياااال يعوضهم الله ماكان هذا اختياري حاولت وحاولت ورضيت الذل احيانا علشانهم
ولكن هذا قدري وقدرهم بالحياه اسودت الدنيا بوجهي ولكن مو نهايه المطاف
كلي امل بالله وماخاب من توكل عليه ان القادم اجمل باذن الله
وحسبي الله ونعم الوكيل عليهم
التعديل الأخير تم بواسطة مارد الجنوب ; 21-05-2014 الساعة 09:06 AM
20-05-2014, 10:36 PM
ضوابط المشاركة
العرض الشجري