زوجك عنده الكبرياء وشوفة النفس زايدة حبتين وتعود منك تقدسين زعله وتراضينه

وتمادى بهالشي للأسف

أنا حاسه فيك لأني أعرف هذي الشخصية متعبة بالتعامل ولو حطيتي كل شي في بالك راح تتعبين

لذلك الان طنشي زعله وحاولي تعيشين حياتك عادي اذا تبين شي اطلبي منه بهدوء وروحي اشغلي وقتك

بأي شي يبين انك مروقه صدقيني راح يحس داخله انك افضل منه لانك متصالحة مع نفسك

وماتعطين الأمور أكبر من حجمها

لا تعتذرين ولا تبررين لأنك ماغلطتي خليه يحس بشخصيتك المتفردة وانك اذا اخطيتي ممكن تعتذري

لكن مو على الطالعة والنازلة اهين نفسي عشانك

انتبهي على نفسك وجنينك واستغفري طول وقتك علشان تهدى نفسك وتسترخين

ولما ترجع المياه لمجاريها ويصفى اللي بينكم تعاليه بالعاطفة قولي له كل اللي كتبتيه هنا بمشكلتك

ليش هالجفاء ؟ والزعل الطويل ؟ والصمت المميت ؟

قولي له هل أنا استحق منك كل هذا ؟ مافيه شي يغفر لي عندك من تعاملي الطيب ومواقفي الحلوة معك ؟

ليش تفتح للشيطان ابواب بيننا ؟

قولي له احنا المفروض نكون بوضع غير الحين بعد ماربي رزقني الحمل

هذا الشي المفروض يقربنا من بعض وحاول تغير من طبعك مو عيب أبدًا

قولي يهون عليك بغربتي يرتفع ضغطي ولا يجيني السكر من القهر والكتمان والضيقة

أهم شي اعطيه احساسك بأنك ماتحبين الظلم وانه الصبر له حدود وأنك حابه الحياة معه

ومو مستعدة تخسرينها وهو بيده يحقق لك هذا الشي لما يتغير

ربي يسخركم لبعض ويدلك على الحل المناسب لحياتكم .