المشاركة الأصلية كتبت بواسطة ابو فهد 777

س1/ هل زيارة الزوجه لاهلها بالأسبوع مره الى مرتين فقط تكفي ام فيها ظلم للزوجه وتقصير؟


لا ، ليس هناك ظلم ، ومرتين كثير ، ويمكنك أن تتسامح معاها لو كان عند أهلها مناسبة أو ظرف وتحتاج في أسبوع تروح يوميًا أو يوم ورا يوم بحجة مساعدتهم أو الوقوف إلى جتانبهم ، طبعا هذا يكون بالتفاهم فيما بينكم ، في مقابل مراعاة ظروف الزوج واستطاعته .

ش2/هل اذا طلبت من الزوجه ماتلبس عبايه كتف برا حتى لو واسعه وما تلبس قصير داخل البيت امام العيال حتى لو صغار مادرسو فيها شي ام يعتبر هذا تعقيد ؟
هذا أمر راجع لكم بالتفاهم فيما بينكم ، لأن الشرط الأساسي في العباءة الستر التام ، والبعد عن مظاهر الزينة الملفتة ، فبعض النساء تلبس عباءة على الكتف ولكنها ساترة جدا . فليس ذلك شرطًا .

س3/ هل اذا طلبت زوجتي كل اسبوع امشيها هي والعيال واجب علي او حسب الظروف ؟
طبععا لابد يكون حسب الظروف ، والمزاج ، لأن هذي الأمور لا تكون جبرًا .

س4/ هل انه اذا زعلت مني زوجتي لأي سبب كان وراحت عند أهلها صح انها ماتكلمني ولا اسأل عني خصوصا اني وحدي بالبيت او مالها حق ؟

مو ضروري ، فيه ناس ما تشيل بنفوسها ، وعلى ما يقولون يطيح الحطب، ولا يطولون بزعلهم ، ولا يخلون يمر يوم عليهم وهم زعلانين .
وعلى حسب الأسباب اللي أدت للزعل .


س5/ هل اذا طلبت مني شي زوجتي وحسيته مو ضروري انها لها حق تزعل او ماله حق؟
على حسب نوع الطلب ، ويحق لها الزعل في حال تكون كل الطلبات مرفوضة .
أما الرفض اللي يكون له سبب معين فلابد من التقدير للطرفين ، إن كانت ظروف الزوج لهذا الشهر لا تسمح أو لديه التزامات مالية ، فلابدّ من المراعاة والمساندة والتفاهم بين الطرفين .

س6/ هل اذا لم اجد الراحه والاستقرار مع زوجتي لي حق لو تزوجت او مجبور أتحمل لو على حساب صحتي وراحتي عشان العيال ؟
الأمر راجع لك ، ويمكنك التفاهم معها عن رغبتك في أن تهيء لك جو الاستقرار ، وأن تجد في بيتك الراحة وقت رجوعك من العمل .
أتمنى الإجابة على ما تستطيعون منها لأني محتاج رايكم ولكم الشكر