المشاركة الأصلية كتبت بواسطة العـ/الفريد/ـقد

مشكلة شعري كانت في التساقط لدرجة صار خفيف.. بعد الفيتامينات
بكم أسبوع ماعاد شفت التساقط .. وشهر عن شهر بدأ يغزر ويكثر
طبعاً ثلاث شهور ووقفي ضروري شهر كامل وبعدين ارجعي ثلاث
اشهر ثانيه .. وبعدها ماانت في حاجة اي شي الا اللهم تحافظي على نظام غذائي
متوازن فواكه وعسل طبيعي وخضار وزبادي وكل ما كان نظامك الغذائي
ممتاز حصلتي على نتايج سريعه مع الفيتامينات وروعه.. والعسل وزيت الزيتون
تخلي لشعرك لمعه وصحه خياليه .. أفتكر بعد اسبوعين من تجربة العسل أول
ما دخلت علي أختي لفتها لمعة شعري وقبل ماتقولي كيف حالك قالتلي وش سويتي
في شعرك!! عاد مرتين في الاسبوع تكفي ولا تخلينه يطول انا كنت اتركه ساعتين
الى ثلاث وأحيان مره في الاسبوع لاني ما احب الزيوت واطفش..
بس انت اصبري عليه وصدقيني لتدعيلي.. وبعد كنت اخذ ملعقتين عسل اصلي
وحده الصباح وحده المسا والعسل معروووف فوايده ما يغفل عنها احد
وما مرت السنة الا وشعري لاخر ظهري وكثيف ورائع وصحي اللهم لك الحمد
عاد ذي تجربتي بالتفصيل الممل جداً لعلك تستفيدين وتدعيلي
دعوه طيبه في ظهر الغيب
بالتوفيق أختي ويارب مايجي العيد الا وشعرك أحلى شعر