هاي اخرتها بدنا نطلع من المولد بلا حمص ههه
اقل شي اضمني بيتك اللي جلستي سنين وانت تستنيه وتفرحي فيه
اذا فيه حدا لازم يطلع من البيت فهو زوجك مو انت
لا تتركي الجمل بما حمل
ليش ما بتدافعي عن حقوقك وحقوق اولادك
ياختي خذي اجازة منه اسبوع شهر
خليه يروح عند اهله ولا تشوفيه ولا يشوفك
الا اذا بدو يشوف طلبات البيت والاولاد
المهم حاولي تجنبي أي نقاش معاه
لحتى تخف الضغوطات اللي عليك
ولحتى تهدء نفسيتك شوي
ولحتى توازني امورك وتفكري بالعقل مو بالعاطفه
حكيتلك هو حاليا في حاله صدمه
كيف تجرئت مهرة وطلبت الطلاق معقوله
هو عموما مجتاج هذي الهزة من زمان يا مهره مو الحين
حاليا اطلبي منه يتركلك البيت لفتره معينه لحتى تهدء نفسيتك وترتاح وتفكري بهدوء ومنطق
مهره لا تضحكي على حالك
كم راح يستحملونا اهلنا لو رحنا عندهم
كم راح يستحملني اخوي لو رحت عنده
كم راح تستحملني اختي لو رحت عندها
بيتك عزك
بيتك مملكتك
بهالسهوله الملكه بتتنازل عن مملكتها
وعلشان شو
علشان رجل ما قدرني ولا احترمني ولا عملي قيمي ولا راعي مشاعري
قنني مشاعرك
وتعاملي معاه من اليوم وطالع بالعقل مو بالعاطفه
سؤال شو بتستني من زوجك
وهل زوجك غير عن كل الرجال
كل الرجال بيشبهو بعض
اكثرهم اناننيين
وما بيفكروا غير كيف يبسطو حالهم
مهره حاولي تطلعي باقل الخسائر
الحياة مو رجل
الحياة فيها مهره وشخصيتها واهلها وربها ودينها ومساعده الفقراء وتفريج الكربات وحضور دورات وحفظ قران ومحاظرات دينيه
فيها افضل مكسب وهم اولادك وبيتك
كيف هان عليك كل هذا
علشان رجل
الحمد لله
انت بصحه وعافيه
الحمدلله اولادك حواليك
الحمدلله بلدنا هون فيها الامن والامان
الحمدلله انه كل طلبات بيتك متوفره
الحمدلله اهل زوجك معاك
الحمدلله انه ربنا هو ربنا

__________________
انا لله وانا اليه راجعون

مب فاهمة انتو ليش معتقدين إن ردة فعلي عاطفية ومندفعة؟!

ليش معتقدين إني مصدومة لأني اكتشفت إن الموضوع مب نزوة؟!

أنا من زمااااان عرفت إن الموضوع أكبر من زواج مؤقت أو علاقة عابرة .. من وقت ما شفت بطاقة التأمين الصحي اللي عملها لها .. من وقت ما كان وهو عندي يشغل سورة مريم أيام حملها .. من وقت ما بدا يبني لها بيت وهي حتى بعدها ما كانت حملت.

مشكلتي إن دخولها في حياتنا معناه إنه وقته معانا بيتقلص .. معناه إني إما أرضى إني أشوفها أو أنحبس في بيتي.

طول السنة ونص كان ما يبات برا .. الحين بييبها بيت أهله عشان تقعد بروحها مثلاً؟


هو وعدني ان حياتنا ما تتغير .. وأنا صبرت على هذا الأساس .. والحين كل شي قاعد يتغير!

كذب عليّ .. خذني على قد عقلي عشان أبلع الموضوع وأسكت .. وهو مخطط لشي ثاني!

كذب على أمه وقال لها أنا باشاور ام سلطان ولو رضت بييبها ولو ما رضت خلاص .. والحين لما ماما سألته قال لها ام سلطان راضية!!
.
.
.
أمي كانت معي منذ قليل وسألتني عنه .. قلت لها ما ادري.

قالت: تراني مهاوشته يوم الخميس .. قلت له ليش مزعّل أم سلطان .. قال: من قال مزعلها؟ .. قلت له طيب تعال خلنا نيلس ونتكلم .. قال ما في شي نتكلم عنه .. قلت له عيل خلاص سير الله وياك .. وسكرت الباب في ويهه.

قلت لها: يمه خلاص ماله داعي تهاوشين ولا تعملين مشكلة .. خليه يسوي اللي في راسه .. الموضوع منتهي بالنسبة لي خلاص.

انصدمت شوي .. قالت: أم سلطان! شو تقصدين؟

ما رديت.

قالت كلام كثير .. إنتي بنتنا .. وإنتي العزيزة اللي مالنا غنى عنها .. وانتي في كفة وهو وهي في كفة .. واحنا والله سألنها عن رايج قبل ما تيي وقال: خلاص أم سلطان راضية .. بس ما دام انتي مب راضية خلاص ما راح يصير إلا اللي يرضيج.

قلت لها: يمه خلاص ما في شي يرضيني .. وحتى لو طلقها ما راح أرضى .. ولدج كسر كل شي فيني .. ووالله لو ما كنت مفهمته كنت قلت ما يعرف .. لكني قلت له خلها مكانها وسوي اللي انت تباه بعيد عن البيت .. بس هو ماشي بشوره وما عليه من حد .. وانا ما أقدر على جذي .. أنا ما تزوجت عشان كل هذا يصير فيني .. هو ما خذني من الشارع عشان يسوي كل هذا واتم ساكتة.

قالت: لا والله انج عزيزة ومحد يقدر يرخص فيج وانا موجودة .. خليه برايه يسوي اللي يباه ويروح وين ما يبا.

قلت لها: لا .. ما في شي اسمه يروح وين ما يبا .. وأنا اقعد مكاني منتظرة .. يمه هو في شغله ثلاث أسابيع .. ثلاث أسابيع انا بروحي مثل المعلقة .. أنا وعيالي أولى بوقته لما يرجع .. أنا وعيالي أحوج انه يعوضنا عن غيابه .. مب يروح يوزع وقته هني وهناك! .. يغيب كل هالوقت ولما يرجع يقول لي: انتي تبيني لاصق فيكم 24 ساعة؟!!

حاولت تطيب خاطري وقالت لي: لا تزعلين مني يا أم سلطان .. قلت لها: حشا مب زعلانة منج يمه .. إنتي ما قصرتي ورايتج بيضا .. وانا ما أقدر أطالبج بشي فوق طاقتج .. بس خلاص يمه اللي صار صار .. خلوه يسوي اللي يباه .. وأنا والله ما اباكم تزعلون من بعض ولا تعملون مشكلة بسببي .. هو في النهاية ولدكم وأنتو اهله.

قالت لي: أنا ما راح اقدر اعارضج في شي ولا راح أقدر اطلب منج تتحملين شي ما تقدرين عليه .. اهم شي صحتج وعيالج .. انا ما اباج تشيلين هم ولا تفكرين في شي ولا تقهرين نفسج.

قلت لها: امبلا يمه .. أنا مقهورة وايد .. ومجروحة وايد .. وخلاص وصلت حدي.


طبطبت علي كثير .. ومسحت على راسي وباستني.

__________________


اللهم طِيبَ الأثر .. وحُسْنَ الرحيل.