المشاركة الأصلية كتبت بواسطة mimomea

ما بعرف ليش كل ما اقرأ لك رد عزيزتي مهرة بحس باختناق وبتخايل المشهد بعرف انو زوجك في خير كتير بس مع كل هالخير بسأل حالي من مجرد معرفتي لك عن طريق ردودك ورجاحة عقلك انتي امرأة عظيمة ما شاءالله هالسؤال بطرحو كذا مرة بالنهار زوج مهرة عن شو عم يبحث عندو زوجة ونعم الزوجة وهو معترف بحبك طيب لوين بدو يوصل معقول ما حاسس فيكي كيف بتحسي معقول عشر سنين من الحياة المشتركة بايامها الحلوة والمرة بينسفهن نسف وبجيب زوجتو التانية لحد بيتك هالقد مغيب تفكيرو عن الالم اللي ممكن يسببو الك طيب وقت جاب زوجتو التانية لارضائها وين محل مهرة من الاعراب وانا عم اكتب الغصة ما عم تفارقني حاسي باحاسيسك لانو لكل امراة قدرة عالتحمل مع انو ما عنا تعدد بس انا من اول الطريق حاطة النقط عالحروف عند زوجي انك ما بتخسرني اذا كنت فقير او لو بتكون المشاكل حجمها بحجم الجبال وهموم الدنيا بتحملها بس الخيانة طريق بلا رجعة بيكسر كل شي بيناتنا مجرد تفكير ما بقدر اتقبلها مع انو مش من النوع اللي بغار بس يا انا بحياتك او اتركني وروح عند المئات ما عندي مشكلة
عندي احساس انو كل شي رح يكون لصالحك وحاسة هالمرة زوجك رح يحسب حساب لمهرة غير اللي كان يعرفها وصدقيني مجرد ما رح يحس انو رح يخسرك رح يصحى على نفسو لانو كان مطمن وضامنك انو ردات فعلك ما رح تتخطى اكتر من الزعل
الله يسرلك امرك حبيبتي ويقدملك كل شي خير الك ولاولادك وتكون الايام الحالية مجرد غيمة وبتزول