شكرا لتجاوبكم ..
الله يسعدكم والله العظيم محتاج فعلا للنصح والارشاد
انا رجل متعلم ومثقف والحمدلله ولست بصفير السن او قاصر ولكن لااعلم ماهي مشكلتي مع زوجتي بالتحديد
انا احبها والله لكن من النوع الكتوم والذي لايتكلم ولايعبر عن مشاعره
الاحظ كل مرة تذهب بعيدا عني تجيني انواع الوساوس والافكار واختلق المشاكل ونفسي اجلس اوقف الدنيا واتكلم معها بس وحتى اولادنا ودي مايكونون معنا نفسي اكون انا وهي فقط في مكان معزول عن العالم واجلس اتكلم اناوهي في حياتنا .. امس قلت لها هالكلام تدرون وش قالت تقول تعال انت عندنا تغير جو واشوفك ؟ وشلون اجي لبيتهم وهم في فترةعزاء وعمتي باقي بالعدة ؟لا وتقول ابي اجلس عند اهلي بعد اخواتي واهلي موجودين من اسبوع ؟ ويمكن يجلسون اكثر ؟ طيب انا وش ذنبي بعد انحرم من زوجتي ومن عيالي؟


كم المفروض تجلس الزوجة في بيت اهلها بعد وفاة والدها ؟ كم فترة العزاء ؟ ماذا اتصرف ؟

اخر مرة كلمتها امس المغرب ؟ وكل مرة انا من يلدا بالسؤال والحديث معها ودخلت اكثر من مرة امس والقاها متصلة ولكن لاتكلمني ولاتسال عني ولاتسولف معي ؟
هل هذا هو مصيري لاني عبرت لها عن حبي لها وشوقي لها ورغبتي ان اسافر معها واني محتاج فعلا لوجودها بجانبي
لماذا تنساني لوجودها عند اهلها ؟
ماذا افعل معها ؟ اشعر بداخلي برغبات عديدة للانتقام ولاهمالها ولهجرها واحيانا افكر اني اطلبها ترجع لبيتها خلاص
عشان اشيل كل هالافكار من راسي
والله تعبت اررجوكم ارشدوني
ابليس يلعب براسي والله

انا انسان مستقيم والحمدلله ولكن ماعندي اصدقاء او ناس اتكلم معاهم بالرغم من اني احل مشاكل كثبر من الناس لكن مشكلتي هذي تذبحني والله واحس بنار بصدري ماتنطفي من كم يوم وتقلب شديد بالمزاج
مرات اكلمها نسولف مع بعض عادي خصوصا اني كنت مشغول بعملي والان انا في اجازة ومحتاج اقضي وقت مع زوجتي واولادي ولكن في هالوقت صارت الوفاة والتعدت عني زوجتي وخربت علي وعليها اجازتنا وبدل مانستمتع باجازتنا ونخرج ونروح مع بعض ونرتب حياتنا اصبحت في بيت اهلها وتطلب تبقى عندهم ؟