المشاركة الأصلية كتبت بواسطة راشد47

السلام عليكم اخواني واخواتي أسف لأني ارد متاخر جدا ولكن بسبب عملي وعندي بعض المشاكل في العمل وعمتي وزوجها صارلهم حادث الحمدلله على سلامتهم فانشفلت عنكم واكيد انشغلت مع زوجتي وانتم عارفين الموضوع لذلك ماقدرت ارد على كل واحد فيكم

ياجماعة افهموني هي مو قادرة تتخطى اللي صارلها لأنها صارحتني بآشياء وهي انها تكره اهلها وماتحبهم وانا مستغرب الانقطاع لاهي تسأل عنهم ولا هم يسآلون عنها استغربت جدا جدا

وقالتلي انه مو لازم نعيش بحب ونجيب عيال والى آخره تقولي عادي نعيش مع بعض كآننا عايلة بيننا الاحترام واذا تبي تتزوج عشان الآطفال عادي روح تزوج انا موافقة

وتقولي انا مااحب احد يلمسني او يبوسني ولما سألتها ليش ؟ قالتلي ولاشي , بعدين رجعت تقولي كذا مااحب , استغربت صراحة

ياجماعة انا مو عارف شسوي حتى لما عرضت عليها نروح انا وياها لاستشارين رفضت الفكره تماما ووضحت لها انها بتكون لحالها وانا لحالي بس رفضت وقالتلي انا مو مريضة اذا انت مريض روح عالج نفسك

وقلت لها ترا يمكن ننفصل عن بعض الى الآبد وترجعي بيت آهلك , ساعتها حزنت وقالتلي ليش ؟ انا ماسويت شي وشرحت لها الوضع قلت لها انا ابي وابي وابي وابي وبوفرلك كل شي واي شي تبينه ودي تفتحي صفحة جديده معي ترجع تقولي ليش ايش فينا ؟

شسوي يااخوان انفصل عنها وارجعها بيت اهلها فترة كمعاقبة لها
او شسوي اكلم امها مثلا ؟
شوروا علي ياآخواني واخواتي

اي نسيت شغله بالنسبة للي يقول او تقول ترسم انمي وذي الشغلات
لا هي ماترسم انمي وكراتين وخرابيط
هي ترسم مناظر طبيعية او لوحة كاملة تلونها بلون واحد بس لا فيها رسم ولا شي او ترسم ظلال اللي هو ظل الاآشخاص بس هذي رسوماتها

اخواني آسف لأني تعبتكم معي وشكرا لإهتمامكم بس انا ضاق بي الحال شسوي والله الف مره انا غلطان آدري بس شسوي زلة لسان ومين اللي مايغلط في الدنيا ؟ ومين اللي ماتصير مشاكل بينه وبين زوجته والله مو قاعد ابرر لنفسي بس زهقت مشاكل من كل مكان