حبيبتي لجين الله يرضى عليكي ويرضيكي ويريح بالك يا رب

شوفي حبيبتي ... يصير الانسان قوي لما يكون عارف بالضبط اللي له واللي عليه .. ساعتها ماحد يقدر يقول له لأ

من حق زوجك يتزوج لأن الشرع حلل له ... ومن حقك تزعلي عليه وتعتبريه ما قدر مشاعرك ولا أعطى صحتك اهتمام كافي فما حرص على تأجيل الحمل . لكن كل اللي صار صار وخلص وان شاء الله ما راح ينعاد ولا يتكرر.

كويس لجين تستفيدي من تجارب الاخرين لكن لازم تحطي ببالك الفروقات اللي بين كل موضوع وموضوع عشان يكون تحليلك وتقييمك صحيح وبالتالي تكون تجاربهم مفيدة لك . ومثل ما استفدتي من قوتهم بطلب حقهم برضه استفيدي من الأسلوب في النقاش .
لما توصل الأمور بين الزوجين للطلاق لازم يحافظوا على قدر من الاحترام بينهم خاصة لو عندهم أولاد وخاصة لو كانوا عيال عم .. عشان العلاقة تظل طيبة بينهم لأن الأولاد والقرابة شيء ما راح ينقطع فليش ننكد على أنفسنا بقية حياتنا .
لما استغرب زوجك انك طلبتي يكتب كلامه بورقه عشان يلتزم فيها فإنتي فكرتي بهذا لأنه سبق ووعدك وما صار. مش لأنه أحد حرضك . واذا هو ناوي يلتزم بكلامه فما تزعل الورقة لو كتبها ..

أنا عارفه نفسيتك تعبانه ومتضايقة فما حسبتيها صح .... عشان هيك بقولك شيلي الحقد من قلبك وفكري بمنطق بأفضل اتفاق ممكن توصلي له معاه . خاصة انه الحمد لله في أمور كثيرة حلوه بحياتك .. وفي حياة ممكن تكون جدا حلوه لو نسيتي الماضي وتطلعتي للمستقبل .

لو فعلا التزم بأنه ما يضرك بزوجته الجديدة لا بكلام ولا بمواقف ويسمح لك بحقوقك وتعيشي ببيتك مع أولادك معززة فهذا أفضل من الطلاق وبهدلته حبيبتي .

الطلاق عبارة عن اتفاق بين شخصين أو طلب من شخص يحس نفسه انظلم وتضرر وبالتالي قرر ينهي هذي العلاقة اللي تضرر منها ... صحيح نزعل ونفسيتنا تتعب لكن لو في مجال نتخلص من الضرر اللي واقع علينا وفي مجال ناخذ حقنا فخلاص ماله داعي الطلاق عشان خاطر عيالنا .

وبالتالي بوقت المفاوضات وبوقت الكلام ما نكون حاقدين ولا معصبين ونحاول قدر الامكان نفكر بالحلول المطروحه ونشوف كيف ممكن توصلنا لوضع مريح لنا .
شو بتستفيدي من انك تنتقمي حبيبتي ..هذا أبو أولادك حتى لو تطلقتي منه .وبتظلي تحتاجي تتعاملي معاه وتمشي أمور الأولاد معاه .

ما ينفع حبيبتي تحطي غلط على نفسك لأنك معصبة وحابة تنتقمي .. هيك انتقمتي من نفسك مثل ما انتقمتي منه .
لا تسمحي لأحد يشك ولو للحظة ولو بمزح أنك نظيفة ... مو تقولي عن حالك أنا أكلم وانا عندي غيرك وانتي لا بتكلمي ولا حاجة ....


يمكن ردي مو مرتب لأني مستعجله .. اسفه حبيبتي لأني انشغلت عنك هالفترة ..

__________________