لان مافيش فى ايديكى ادوات تملكينها ومسلمه قيادتك لغيرك وده يحسسك بالقهر ..
الانسان لما يكون دمه حامى ويعرف يدافع عن نفسه يخلى اللى قدامه يعملوله الف حساب ..
مش بيقولو ماحك جلدك مثل ظفرك ..
فتولى انت جميع امرك ..
قوليلنا ونشوف الحل معاكى

مش عيب ان الواحد يكون انانى ..
الاثره مطلوبه فيما لا يضر الآخرين ..
ليس مرادف الانانيه اخذ حقوق الآخرين ..
كما ليس مرادف العطاء التنازل عن حقوقى ..
المهم اننى عندما اعطى ولا اجد مقابل لا اندم فالجزاء قد يكون مؤجل ..
وعندنا بنقول :
اعمل الخير وارميه البحر

شوفى مبتعثه انا عندى اختى اكبر منى ومطلقه وعندما تطلب منى مشوار لها تطلع زرابينى وابقى مش طايق نفسى واقول لها هو انا حاشوف مشاويرك ولا مشاوير بيتى ولا مشاوير نفسى ..
ماتشوفيلك راجل يقضى مصالحك ..
تقولى ماعنديش راجل اعمل ايه يعنى اجيب راجل منين ..
ولو قضيت مشوار ليها مراتى تقعد تبرطم انت جايب العربيه عشان مشاوير اهلك بس
ولو قضيت مصالح بيتى اختى تقعد تبرطم وتقول كل واحده معاها جوزها شايف مصالحها اجيب منين انا ..
وانا عشان اريح نفسى بارفض للكل ..
يبقى يقولو على انانى بتدور على راحتك ومصلحتك بس ..
كل واحد ليه منظوره ولازم نتفهم ظروف بعض ..
اما قضية المحرم دى قصه تانيه بقى .. عاوزه قعده