حياك اخت ساندرا
الله يصلح حالك ويحنن قلبك
على خواتك
يرضيك ان وحدة من اخواتك تشتكي منك
مثل ما اشتكي من أختي
مهما كانت المشاكل ما توصل لقطع الأرحام
لو ماتت أختك وهي ما سامحتك تتوقعين بترتاحين
مستحيل حتى بأحلامك راح تزورك
واللي فيك مو قوتك منتي قوية لو قوية كان قدرتي تتغلبين على هوا نفسك
لا تعتذرين لاخواتك لكن زوريهم .دخلتك بإبتسامة عليهم كفيلة بنسف
اللي صار راح يتقربون منك ويحاولون يرضوك بكل شي بيدهم وراح ترتاحي راحة مافقديتهالكن بتحسين انك كتني حارمة نفسك منها
دام كنتوا تحبوا بعض راح ترجعوا تحبوا بعض مو مثل وضعي عمرها ماحبتني
ولا عمرها احترمتني ولا عمري حسيت بشعور الأخت كنت عايشة مع عدوة لي ولنفسهاكانت تضربني وانا صغيرة عشان أغير ملابسي بحجة انها مو عاجبتها وإذا ما سمعت كلامها كانت تقطع ملابسي علي يوم كبرت ضربتها مرة وحدة عشان أحط حد وفعلا ارتحت من مسألة طول اليد لكن طول اللسان هو اللي بقا وماتعبني كثر الفتنة ولا أتمنى لها الموت ولا
اعتذر اذا ضايقتك بكلمة بغيتها تعمل صدمة حتى تفكرين بحل وترجعون لبعض

شكرًا لك لتعاطفك وتعاونك معي 🌹

كنا نحب بعض لكن الآن تحول الحب لعداوة شديده
لما صحيت قبل شويه جاتني 8 رسايل وسائط على جوالي ( ماعندي واتس آب)
يقولوا انهم ماسكين عليا شي ويهددوني فيه يبتزوني طويلات العمر
ولما قلت قويه اقصد تكون لي ردة فعل مااقصد اني اتبلى عليهم او اسبب مشاكل
لأنك تقولي كنتي تسكتي وتسوي كل شي يبغوه
انا مااكرههم والدليل والله دعيت لهم بصلاتي البارح
اعترف بشي واحد اشوفه اسوأ مافيني اني عنيده جداا
لكن هادا الشي بالعيله كلها مو أنا بس
واعترف اني كمان مو مرتاحه لكن مستحيل اروح اتصالح معاهم وسط هادي التهديدات فيعتبروه خوف مني واعتراف غير مباشر بااهمية الاشياء اللي مسكوها عليا ،،،
كلامك مازعلني وعادي جداا
اشكرك ،،،

__________________
أحملُ قلبا بريئاً ك فتاة الرّيف حين تفرح بِحلوى القطنِ الورديّه..
.fg