اجعلي المال وسيله للوصول الى راحة البال مع الزوج اذا كان يستاهل ويقدر مشاركتك
اما اذا كان معتبرك بنك مفتوح فهذا لا يستحق

على حسب الزوج
اذا قد ما تعطيه يعطيك هنا المال ما له اي قيمه


ولنا في قصة الرسول عليه الصلاة والسلام مع آمنا خديجه رضي الله عنها آيات وعبر.

الماده تريحك صح لأكن ما تعطيك حب ولا اهتمام حتى لو الي حولك احترموك بيكون بسبب الي بيدك مو لشخصك

والحب والاهتمام ماله مقابل يعنى ؟؟ مستحيل طبعا

اصلا مافيه رجل يحب بصدق وبدون انانيه

وبما ان الوضع كدا فعادى انهم يحترمونى عشان اللى بيدى بالعكس شي حلو

مافيه احد يحب احد لسواد عيونه وبدون مقابل

لا هذا ولا ذاك !! رب العالمين يبتلي كل شخص بشئ! ... وحده او واحد عندهم فلوس ويتسبحون فيها من كثرها ولكن؟ البال مو مرتاح ،، مو قادر يتزوج الانسانة اللي يبغيها لازم تكون من العائلة الفلانية لان عنده فلوس وايضا ينطبق على البنت! ... عنده المال الكثير ولكن مريض! فلوسه كلها على مرضه ... عنده فلووس لكن لا اطفال ولا زوجة يملئون حياته والوصف للمرأة ايضا! ..

متزوج ولكن فقير ! متزوج ولكن غير مرتاح ! .. بالمختصر احنا بني آدم ما يملي عيننا غير الترراب وهالشي ينطبق علينا جميع رجال ونساء ،،

بالنسبة لي ،، عندي شغل ودوام وعندي راتب فخير وبركة واتعاون مع زوجي اما اذا لا فلا حول ولا قوة! صح اذا الوحده عندها راتبها الخاص بتحس بالراحة و ايضا بتلبي رغبات اطفالها وبتقدر تجنع قرش ابيض لليوم الاسود .. وسبحان الله انا واخواتي صارت لنا مواقف فعلا الواحد يحمد ربه على اللي عنده ويسكت! ،،، انا صارلي تشخيص خاطئ وكنت بذاك الوقت اشكي لوالدتي واتمشكل مع زوجي ع هالراتب وكنت بفترة اجراءات عمل وجا هالتشخيص تخيلي موقفي عاد! وقتها عرفت ان الله حق وصحيت شوي ،، شفايده فلوسك وانتي مو مرتاحة اوو زوجك انسان لا يستحق او مريضة وفلوسك للعلاج؟؟ تعلمت كلمة الحمدلله وثقة بالله وفعلا بعدها الله انعم علي بشي ما احلم فيه..

اختي الاولى ،، عندها المال والمسكن والسفر والحج ماشاء الله تبارك الله .. ولكن؟؟ سنين طويلة فلا طفل بلا راحة ! عرفت فحمدت فاعطاها الله الخلف ..

اختي الثانية ،، لديها الوظيغة والمال والحلال ولكن الزوج كل ما هو سيء فهو الاسوء! مالها في جيبه واطفاله بحضنها !

احدى قريباتي ،، موظفه وبراتب اكثر من رائع بداية شبابنا دائما ما تردد بلا زواج بلا هم فلوس وراحة واستمتاع وسفر مع الاهل .. النهاية الجميع تزوج ظلت مع والدها ووالدتها ،، كلامها الان شفايده الفلوس بلا ولد و لا زوج يشيلني ويحسسني بانوثتي!

زبدة كلامي ،، مانقدر نقرر او نقارن بين هالشيين ...

الدنيا كلها مالها قيمه

بس نتبع الافضل والاريح لنا والاضمن

ودائم نسمع ايش فائده الفلوس بلا زوج يشلينى و يحسسنى بانوثنى

ودى اكبر كذبه وكلنا عارفين ان الزوج لا شايلك و لا محسسك بانوثتك

و مايحتاج نجيب ادله كلنا عارفين ان مافيه زي مهند

مافيه افضل من المال يجيب لك كل شي حتى الزوج نفسه

انزين وان جاب لك الزوج وهو على كلامك مافي مثل مهند وخصوصا عاد عندنا بالخليج ،، شنو تتوقعين بترتاحين ؟؟ الا قولي هم فوق هم ! ماخذني لفلوسي او مالكته بفلوسي وان راح خلاص مع السلامة مالك حاجة ...

بالنهاية ممكن نحصل رجل من ضمن 10 يسمى فعلا رجل ويريح زوجته ! ههههههه شوفي من نصيب من عاد ..

مو عشان كدا اقول المال اهم منهم

الوظيفة تأتي أولاً ثم الزواج
لأن الوظيفة هي السلاح الذي يحمي المرأة من غدر الرجل
لذلك انصح دائماً أي فتاة أن تكمل تعليمها ولا تتنازل عنه
لمجرد الزواج فالشهادة ومن ثم الوظيفة شيء مضمون في اليد
أما الزواج فهو الغير مضمون أبداً

__________________