مشاكل أمي وأبوي . - منتدى عالم الأسرة والمجتمع

07-07-2014, 07:23 PM

#12

عَليَاء

عضو جديد

تاريخ التسجيل: Jul 2014

المشاركات: 8

رد : مشاكل أمي وأبوي .

اقتباس:

اتذكر امي وابوي بنفس اعمارهم تقريبا بدأت المشاكل تطفح على السطح ، كنت انا المقربة واخوتي كبار
اللي متزوج واللي مبتعث ،، فعلا تحسين نفسك بين شد وجذب ..

وهل بعد هذه الفترة هدت الأمور أو أستمرت بينهم ؟ ، المزعج بالموضوع إنهم مايتواجهون ويجعلوني أنا في وجه المدفع ، أمي لما بغت تقعد ماقالت لأبوي - وقتها كانت ببيت أهلها زيارة - ، ولا لأخواني ، ولا حتى قالت لأخواتها ، قالت لي لحالي وكأنها تقول روحي وعلمي الوالد خليه يتخذ موقف ، وقبل موعد رجعتها بيوم أكتشفت إنها ناوية ترجع مع أخوها ، وكلمتها وقلت لها " متى بترجعين " وكأني ما أعرف ، وكان الرد " يمكن أجلس رمضان هناك " ، أندهشت من هالتصرف بيني وبينك ، ليه هالتعب النفسي الي جالسة تعيشني إياه ؟ ...

اقتباس:

احد طرقي واللي لحد الان استخدمها ،، اترك كل واحد براحته في مكان يعني ابدا لا تجمعينهم واقترحي عليهم التفرق بالغرف يعني مو بالنوم لا مجرد حاليااا لحتى تهدأ النفوس وبعدها روحي لكل واحد وامدحي بالثاني عنده وحتى لو قال شي سلبي برري مثلا امي مضغوطة وتحس نفسها متعبة من اخواني والبيت بس تحبك وتعزك هي قالت لي هالكلام ( تحرك المشاعر حتى وان لم تبن عليه ) .. انتقلي لوالدتك وبعد قولي كلام يرضي والدتك على لسان والدك! لان دامهم مو قادرين يصارحون بعض فلك المهمة هالشي كنت اسويه ويوم يومين يتراجعون ويلين القلب ...

أستخدمتها هالفترة ، صرت أقول وأعلّم وألمح وأحاول أجي بالمنطق ، لكن المشكلة إن أمي تبي إعتذار لفظي من أبوي عقب الي سوّاه ، أقول لها الرجال غالبًا تعتذر بالأفعال ، ولو إنه غير مقتنع بإنه موب غلطان ماكان خلاك على راحتك وسكت على طردك له وخلّص موضوعك الفلاني ، هذا وش يدل عليه ؟ ، ماش تقتنع بعدها لا جلسوا لحالهم تحاول تستفزه إنه يعتذر ، وهوشتهم البارح على هالسبب ..

اقتباس:

الطريقة الاخرى ،، اذا مافاد اجمعيهم اثنينهم وابكي! طلعي اللي بقلبك هم مو حابين يتصارحون اذن انتيي صارحيهم ،، بيني لهم تعبك وخوفك ونفسيتك المتعبة وشلون تفكرين بشكل دائم بمسألة انفصالهم وتشتت عائلتكم وتأثيره حتى على اخوانك .. ايضا استعملتها لما خلاص حسيت ان فعلا الامر جدي ولا ازيدك قعدت اهدد اني بسوي بنفسي شي خخخخخ عاد انا كنت شوي اصغر منك بس تعبت لعب دور الانسانة الكبيرة الفاهمه اللي تحل امورهم ..

فادت هالطريقة ؟ ، يعني عقبها هجدوا ؟ أخاف يحطونها فيني إننا متحملين بعض عشانك .

الله يسعدك على هالرد .

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 07:36 PM.

روابط سريعه