طيب يا مبتعثة انا متضررة من سفرياته
تخيلي بشهري التاسع ابكي عشان مايتركني
ما انتقدته من فراغ !

لكن ما يبغاني اعترض او حتى ابدي رايي


رايحين امريكا

وش تسوين عاد انتي شايفه المناقشه ناجابت نتيجه
يمكن بالغربه يتعدل ويحس بالمسئوليه

كم لكم متزوجين ..
زوجك اعتقد يفكر في امور تشتت ذهنه

حطيتي يدك على الجرح
زوجي معتمد على إن اهلي حيقومون بالواجب !
احيانا يتركني .واحيانا يلمح بعتب لاخواني بشكل عام
الاخو لو ماخدم اخته مافيه خير وانا ارجع اقوله استحي اطلبهم !

فلما جات البعثة فكرت انها حتبعده عن اصحابه
عن سفرياته ويلتفت لدورةظه ك زوج ويتحمل مسؤوليتنا ككل !

هذا كله قبل ما تظهر شخصيته العصبية بوضوح !

لعل بالامر خيرة لأني استخرت

سنتين تقريبا

كلنا عندنا امور تشتتنا !
لكن مو كلنا لساننا زفر إذا عصبنا !
مو كلنا ننبش على المشاكل بشمعة


فالامور وإن وجدت لكن ليست مبرر للتطاول والاهانة

ان شاءالله ان الامر خيره
يا يتعدل بالغربه او تبين معدنه الاصلي وانه ماراح يتحمل الغربه
عموما القرار كان قراره وهو يتحمل كل شي
والله يوفقك

حبيبتي
بما ان زوجك عنده مشكلة بمفهوم الرجولة
ف ايش رايك تمدحينه وتعززين من افعاله
لو جاب غرض للبيت ، قوليله الله لايحرمنا منك عمرك ماقصرت
الله يخليك لي مو مخلي شيء بنفسي الا وتجيبه
لما يدلع بنته ، قولي فديته الحنون ، حظي انا وبنتي فيك
لما يقرر قرار ولو كان بسيط قولي انا اثق فيك
بين الوقت والثاني قولي له انا فخورة فيك انت تاج راسي وانا اعتز فيك
وحاولي نشكرينه دايما
راح يرتااااح كثيير ويحسك محتويته وتقدرينه
تحاشي انتقاده او حتى توجيهه بيني له انك واثقه منه تماما ، واتركيه يتصرف مثل مايبي
شوي شوي وحتلاقيه يتحكم بنفسه وحاب يظهر بالصورة الحلوة اللي معطيته له ومايبي يخذلك
وبتخف عصبيته مع الوقت
الله يهدي بالكم ويسعدكم ويخلي لك بنوتتك

صادقة

اميين وياك يارب

أنا لوجاب علبة منديل
اشكره
عمره ما جاب حاجة صغيرة ولا كبيرة إلا شكرته ودعيتله
حتى لما بيجيب شيء لمامته واكون معاه اشجعه وادعيله إن ربي يرزقه برها
واخر شيء حركة ملابس بنته !
كنت اكلم بنته واقولهاىقولي لبابا شكرا على الملابس
مو عشان ابغى اكسبه
أنا مؤمنة إنه بذل مجهود وبيستاهل اكثر من شكر
فشكري يطلع من قلب
لكن لفتي انتباهي على حكاية إني فخورة فيه
هذي نادرا اقولها

ربي يسعدك ححاول اكثف الجرعة ^_^

^
نسيت اعلق على نقطة الانتقاد او التوجيه

أنا ما انتقد او اوجه لمجرد ان الشيء مش عاجبني لا

انا انتقد لأني متضررة من الشيء اللي بنتقده
كثير اشياء بيسويها ما تعجبني ولا احب اشوفه فيها لكن اسكت بحكم انها حرية شخصية
ماتضرني ولا تضر علاقتنا ما اعلق عليها ولا اديها اهمية

لكن زي موضوع سفرياته !
انا ما منعته !
كل اللي ابغاه منه ما يسيبني وقت حاجتي له !
ويخفف عشان احس بوجوده !