مبتعثه حبيبتي ربي راح يعوضك صدقيني وكل تأخيره وفيها خيره
انتي خذي بالأسباب من صلاه ودعاء وصدقه واكثري من قراءه سوره البقره
وإذا لك رغبه في الزواج كلمي خطابه ثقه وان شاء الله يجئ الفارس. الي يعوضك عن ايام الشقا مع زوجك
بالنسبه هل انتي محتاجة لزوج عشان تنسي الي فات يمكن محتاجة ويمكن لا
بالنسبه لي تعبت بعد طلاقي بذات بعد عشره 17 سنه وبعد سنه ونص تقريبا تخطبت وصرنا نتواصل مع بعض يابنت مو بس نسيت طليقي نسيت الي خلفوه كمان وعشت أحلى ايام عمري كانت سعاده باينه علي لكن ربي ماراح نكمل مع بعض. وأبشرك نسيت طليقي بمعنى الكلمه ولا عاد يعني لي اي شي في حياتي

__________________
ريم نواف سابقا

اخ سامي مبروك وتستاهل كل خير أتذكرك وأتذكر معناتك الحمد لله ان ربي رزقك بزوجة طيبه وتحبها

__________________
ريم نواف سابقا

سامي مره فرحت لك
سبحان الله عسى ان تكرهوا شيءا وهو خير لكم ماشاءالله الله يوفقك بزواجك
ريم الله يجزاك خير ريعوضك
انازواجي كان اشهر معدوده ماتتعدى شهر وشوي وشلون انتي الي سنين
الله يعوضك كل خير

الحمد لله يا مبتعثه انا بنعمه وخير من الله وراضي بقضائ وقدري والله يا مبتعثه ندمانه أني ما نفصلت عن زوجي من زمان لانه مايستحق البقاء معه أبدا
الله يستر عليه ويعوضني انا واولادي خير

__________________
ريم نواف سابقا

اللهم امين وش سبب انفصالك ان ماكان فيه تطفل

هههههه مافي تطفل ولا شي
اكتبي قصه زواجي وطلاقي في هالمنتدى وراح تطلع لك قبل فتره كانت موجوده بالقسم
اقسم بالله صار كدا شكلي 😳😳😳 انفجعت لمى شفت الموضوع أنسلي عليه يا قمر الليله

__________________
ريم نواف سابقا

بالعكس احمدي ربك انه ما جاكي اطفال منه
انتي تحسبي تربية الطفل من دون اب هينه؟!!
يكفي منظر لما ابنك يشوف اقرباه بحضن ابهاتهم وهو لا
اتخيلي تنحوجي لعم او خال عشان يخلصلك موضوع يخص ولدك او بنتك انتي ما تقدري تخلصيه بسبب القوانين او العادات والتقاليد


اسال الله رب العرش العظيم ان يرزقك بالزوج الصالح اللي ينسيك تجربتك السابقه ويرزقك الذريه الصالحه اللي تقر عينك بيها

__________________

مرحبا أختي مبتعثة
يارب نكون دائما من الايجابيات ومتصالحات مع ذواتنا في كل الظروف

تصدقين اسأل نفسي هل لابد من المرور بمحطات الحزن والالم.....الخ بعد الطلاق؟؟
يعني لازم تمر فيها كل مطلقة..او الموضوع يحكمه ظروف الطلاق ..كان فيه مشاكل...فيه ابناء أو لا؟
طول مدة الزواج....أسئلة كثيرة ...ماعلينا...

عموما أسأل الله عز وجل ان يعوضك بكل خير
وتذكري دائما ان الخيرة فيما اختار الله لنا
وصدقيني ان الزمن كفيل انه ينسيك كل الاثار السلبية
والمشاعر اللي تحسين فيها...مسألة وقت بس

واذا تقدم لك اللي يستاهلك ومقتنعة فيه تماما الله يوفقك
لكن لا تربطين في ذهنك ان الحل الوحيد للنسيان هو الزواج
لو ما حصل لا قدر الله ..كيف بتعيشين؟؟

ولو حصل انك تزوجتي وكان هذا الزواج مصدر الم وحزن ولوم للنفس
يعني بالضبط مثل ما حصل بعد الطلاق...ايش الحل؟؟
العبرة ليست بالزواج بحد ذاته لكن بالتوفيق فيه من الله
توكلي على الله والحي في الدعاء في هذه الايام الفضيلة

اممممممممممممم ماحبيتها هذي (طلعت من المولد بلا حمص)
ليه لازم نحسب كل شي بربح وخسارة!!
اذا ضروري تنحسب كذا...احسبيها انك كسبتي نفسك ودراستك ومستقبلك وأي شي حلو انتي لوحدك تستحقينه

اما مسألة الطفل...ما احد ينكر انها غريزة في كل انثى ..يمكن فعلا مثل ما قالوا الاخوات
بتزيد معاناتك مع وجود طفل وخصوصا لما يكبر ويحتاج رجل في حياته
وقتها تتمنين انك ما انجبتي هذا الطفل
اقولك شي ...
لما تزوجت كان عندي نفس الفكرة..ومن اهم اهدافي في الزواج اني انجب اطفال
الآن بعد الطلاق اقول الحمد لله الف مرة اني ما حملت
تغيرت الفكرة عندي ...مايهمني اني احصل على طفل قد ما يهمني من هو والد هذا الطفل
من حق ابنائي ان يكون والدهم جدير بأبوتهم يتحمل مسؤليتهم في كللل شي
حتى لو مات او حصل طلاق...تكون له سيرة وذكرى حسنة يفخرون بها
ما يعيشون ناقمين على أنفسهم ومجتمعهم
الابناء مسؤلية عظيمة مو كل انثى ولا كل ذكر قادرين على تحملها


الله يوفقك لكل مافيه خير لك ويعطيك لحد ما يرضيك
اللهم أسعدها بقدر ما تألمت
و أرحها بقدر ما تعبت
ولا تخيب أملها...فأنت حسبها ونعم الوكيل.

__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..


[IMG]http://im67.***********/mg87DX.gif[/IMG]

اللهم امين الله يجزاكم خير

أنا أصغر منك بسنتين وعشت مع طليقي شهر ونص

يعني تقريباً نتشابه بالوضع

والله مو عارفه وش أرد عليك

مو شرط تتزوجين عشان تنسين يمكن يظل الجرح موجود حتى بعد الزواج

وموضوع الأطفال تدرين كنت أفكر زيك لأني أجهضت كنت أقول إني رجعت بيت أهلي بخفيّ حنين

وكل إللي حولي يقولون لي أحمدي ربك أجهضتي وكنت أستغرب كلامهم وأقول محد حاس فيني

ع الأقل الطفل كان بيملى علي حياتي

لحد ماتزوجت وحده من أعز صديقاتي وحملت على طول وأنفصلت عنه بأول شهرين

شفت نفسي مكانها وقتها بس فهمت ليه كانوا يقولون لي أحمدي ربك ماجبتي أطفال

لأني شفت كيف معاناتها مضاعفه الله يكون بعونها ويهون عليها

الطلاق مو هين الإحساس بالفشل بحد ذاته يذبح تفائلي باللي جاي وخلي أملك بالله كبير

والله يعوضك ويعوضني خير وكل مطلقه يارب