يا حبيبتي حصل خير وليش مركبة على نفسك كل هاللوم! ،، زوجك مجرد يبغي يستفزك ويشوف رده فعلك !.. لا تخافين جملته ما تعني انه عارفك وانه ضامن رجعتك ،، هو بس يبغي يشوف رده فعلك وشنو بتردين على استفزازه لان الرجال اشتاق لحركاته القديمة معاك فلقاها فرصة ،،،

تبغين تعكسين هالشي ؟؟ ،، امشي براي والدك وانا من البداية قلت لك طنشيه وما في مشكلة من الرد ولكن خليك تحت ظل الوالد .. حاليا ببساطة تقدرين تقترحين على والدك ان هو اللي يتصل له ويطلب منه عدم التواصل معاك واي شي يبغيه يكون عبره هو فقط وكل اتفاق او طلب او اقتراح او اسف يتم عبره هو فقط لا غير واما الاتصالات لك فمرفوضة والحين صار الكلام بين الرجال ...

لا تزعلي نفسك والخوات لما قالوا ردي عشان تشوفينه وتسمعين هالكلمتين وتشوفين هل فعلا تغير ام لا ،، انا اشوف لحد الان على طريقته الاستفزازية ومثل ماقال الوالد يحتاج قرصة قوية شوية وغصب عنه راح يحس ويخاف انك تتركيه .. اذا ارسل لك رسالة او محادثة خلي كلامك على لسان الوالد يعني ردي عليه بيا فلان انا ابو فلانه واقولك خل كلامك معاي انا والحجي بين الرجال الحين ... خليه يرد يتحير ويندم على الكلمتين اللي قالهم وعلى اسلوبه ..

والله يا اختي انا مقهوره وندمانه
وما ادري غلطتي تتصلح او لا

انا ما ندمت اني تركت له البيت
ولا ندمت اني اخذت موقف وزعلت
لكن ندمت اني امس رديت عليه
احرجت نفسي واحرجت ابوي بتصرفي
خصوصا ان كلامه معي كان جدا مستفز
وماخذ القصه ببساطه واستهتار
ولما قلت له انت حطيتي بموقف خليتني اطلب الطلاق
ضحك باستهتار وقال انتي ماتقكري بالطلاق
لكن عطيتك وقت تزعلي والحين خلاص اعتذرت
ولاتطوليها وهي قصيره!!


انا خايفه بس ان ابوي يتخلى عني بعض تخبيصي
اعتذرت له وبست راسه.. وقلت له اعترف اني تسرعت بردي

شفتي؟ هو يبغي يستفزك ويشوف رده فعلك تجاهه! .. مثلا لو انا شخصية مستفزة طبيعي راح ادور الشي المعاكس واطرحه على الشخص المقابل لحتى اخليه قمه الاستفزاز ولا اسوي عمري اعرف اتحدى وقد التحدي! ..

اقترحي ع والدك اللي خبرتك فيه ،، وصدقيني اليوم لو بكرة بتشوفين منه مسج او محادثه! .. خلي الوالد يتصدى له وبتشوفين شلون بيدور راسه .. وارد اقولك لا تزعلي ولا تندمي حاليا ركزي على حل مشكلة شخصيته هاذي عشان تتبسط باقي الامور .. الله يعينك ويكتب لك فرج بقدوم العيد ان شاء الله ،.لاتنسبن الدعاء له بالهداية ..
ولاتخافين والدك ان شاء الله مابيتركك لان الظنا غالي ومهما بدر منك ماراح يشيل بقلبه ويشيل يده من موضوعك وبيوقف معاك وحتى والدتك الله يطول بعمرهم ان شاء الله ويحفظهم .