الصراحة أختي احنا حاسين بمعاناتك لكن مو مشكلة تحملي يمكن الرجال كان تعبان أو عنده ظرف
ما شاء الله باين عليك انسانة فاهمة وعاقلة واللي سويتيه علشانه يدل انك مو مقصرة معاه حتى رغم انك زعلانه منه ما رفضتيه
حتى ترضي ربنا ماشاء الله نعم الزوجة أنت...
سامحيه وحاولي تبينين له انك عانيتي من الحرمان خلال الفترة اللي راحت وهو راح يتفهم ويحاول يعوضك لأنه مثل ما ذكرتي حاول يعتذر منك وهذا دليل انه متفهم وحاس فيك وصدقيني وحمدي ربك هو أحسن من غيره يعني بعض الرجال اللي اذا زعلت مرته منه مستحيل يراضيها علشان ما يفقد رجولته(ما أعرف وش الرجولة في هالتصرف)
ما أوصيك اهتمي بأمه...الرجال يحب المرة اللي تهتم بأهله وراح تكبرين في عينه ويراعيك ويهتم فيك أكثر ان شاء الله
بالنسبة لطباعتك ليست سيئة بل واضحة ومفهومة واذا تبين تحلين مشكلة الكيبورد الإنجليزي فأنصحك انك تروحين أماكن بيع وبرمجة الكمبيوتر راح تحصلين عندهم ملصق للأحرف العربية تلصقيه على المفاتيح وبذلك يسهل عليك الطباعة.
تحياتي وأتمنى أني أفدتك وسامحيني
أخوك في الله
محمد