يامنطلقه انا صاحبة المشكله والله. الكلام فيه غلط عشان اكتب بسرعه والله يهديكي الرساله هو ارسلها لي انا بس ارسلت السلام عليكم

معليش لخبطت .... بس يمكن زوجته اللي ردت مو هو

لا شكلو هو انا اعرف اسلوب طليقي. ما راح اكلمو ولا ارسل له رسائل مادام هذي اخر رساله ارسلها لي

من أسلوبك معاه
زعلتيه تضايق من أسلوبك
ماينفعك المكابر و هالحركات
كل ماكتبنا لك رد قلتي أمي و أمي
إذا بتمشين ورا كلام أمك مارح تعيشين مستقره أنسي
إنتي مو طفله إنتي أم و عندك أولاد
هالأولاد يحتاجون يعيشون بين أمهم و أبوهم
قهرتيني الله يهديك بس

__________________

اللهم أكفني ما أهمني بما شئت و كيفما شئت إنك على كل شيء قدير

اعرف اني غلطانه ايش اسوي الحين

عزيزتي صمت

اذا ربي كاتب لك شيء بيجيك

لا تستعجلين
واستخيري و اسمعي من الكل وبالاخير خذي قرار بنفسك
بدون تأثير من احد

ولا تتصرفين باي شيء وانتي منفعله سواء ً شوق او كره او حب
خلي مشاعرك على جنب

وفكري مليون مره قبل اي تصرف منك


اذا بتتواصلين معه تكلمي بوقت مناسب و باسلوب لبق و محايد
وبحدود الادب والذوق
لانه مو زوجك الحين ومايصير تتكلمين معه باسلوب آخر

وعنده زوجه
وتعرفين الحريم تفتش وتقرأ بالواتس واكيد بتشوف بيوم الي انكتب

اعتقد الاصول اصول
وبيتكم يعرف طريقه

اذا بيرجعك بالاصول ويبذل عشانك
ويستسمح من اهلك
راح تعيشين سعيده

واذا بيرجعك بتنازل منك و ترجي و محاولات منك
مااعتقد بتكون حياتكم مختلفه عن قبل


واذا عندك اعتذار او اشتياق
قوليه بعدين اذا صرتو ببيت واحد


والدعاء لاتغفلين عنه
واستغلي وقتك بقراءة القران
الشهر الفضيل قارب على الانتهاء
واتركي موضوع زوجك حاليا
لاتفكرين فيه
اهتمي بنفسك واولادك

وخلاص دامه قالك الله يرزقك الزوج الصالح
تجاهليه تماما

وانشغلي بنفسك

أشكرك هوبادر بالكلام الحب قلت له كلم اهلي قال أناما راح اكلمهم الا لم نتفق واسلوبك ما يعجبني اعترف اسلوبي غلط انا ما ارسل رسائل له في وقت هو اللي يرسلي الصباح

خلاص اتركيه
لاترسلين

وامك كلامها فيه جزء صحيح

لاتتجاهلينه
هي عارفه شخصيتك وعارفه زوجك ووضعك كله
اكثر مننا هنا بالمنتدى

اقترح عليك انك اذا صار اي شي تستشيرين ابوك
او احد فاهم وعاقل من حولك

هنا ماراح نقدر نفيدك كثير
مانعرف بيئتك ولا الظروف

ودامه قال الله يسهللك

خلااااص انتهى

اذا ربي كاتب لك ترجعون ترجعون

انتي شكلك صغيره بالعمر

وانا شايفتك تردين وتاخذين وتعطين مع الاخوات بموضوعك
واندفعتي وتحمستي ورحتي ارسلتي له الحين

الصباح نامي او اقري قرءان
لانك لو جلستي فاضيه وتكلمتي بالموضوع بتتحمسين وتسوين اشياء مو محسوبه
وبتندمين
ولازم تتثقفين اكثر
وتعرفين انتي ايش تبغين
وكيف تتخذين قراراتك من نفسك

الله يوفقك

انا خلاص ماراح ارسله ولاشي يبغى يرجعني يكلم ابوي راح انساها خلاص مادام قال الله يرزقك الزوج الصالح والحمدالله على كل حال جزاكم الله خير

خلاص ياقلبي اقطعي التواصل معه
وإذا تبغي تسوي له حظر براحتك
انتي حاسه انه ليس جاد في طلب الرجوع له

__________________
ريم نواف سابقا