يمكن أهلها وصلوا عندهم

الله يكون بعونهم شايله هم أختها كثير وهم إللي في بطنها

لو تخبرينهم وإنتي برا أفضل يمكن خوفهم يمنعهم إنهم يقتلونها لاقدر الله

وإذا رجعوا السعوديه بتكون الصدمه خفت شوي

والأفضل إنها تولد بالسعوديه تلملمون الموضوع ياإنه يتزوجها وتقولون للناس إنهم عاقدين من زمان أو إنه تزوجت زواج عائلي وسافرت برا معه

أو إن أختك تاخذ عقابها حسب الشرع وإن أحد فقد أختك وسأل عنها لأن أتوقع فيها سجن وجلد قولوا راحت مع أخوي برا

والطفل ودوه الدار بعدين أرجعوا أكفلوه ويعيش بينكم وأختك بما إنه باقي بنت هاذي نقطه بصالحها تولد قيصيري

والله يستر عليها دنيا وآخره ولو أحد تقدم لها مستقبلاً أسألوا شيخ إذا لازم تبلغون الخطيب أو تسترون عليها

هاذا اللي طرى علي لأني ماأظن الولد بيتزوجها أهله ماأظن بيسمحون له ولو نيتهم الستر كانت تحركوا بسرعه

الغلط صار وإنتهي السؤال الحين كيف تلملمون الموضوع من دون فضايح لازم أهلك يدرون لو أمك وأبوك بس

وهم يتصرفون باقي أخوانك وحتى أخوك اللي معكم موب لازم يدري

الله يستر عليكم