اخي صحيح متل ما قال اخوها حتى انت بحاجة لعلاج لانو كتير في اشخاص بيتأثروا مع الشخص اللي بيساندوه وبيدخلوا مرحلة الاكتئاب معو بالزبط متل المثل اللي سبق وقلته انو الغريق بدو حدا ينقذه بس بغرق اللي بيحاول يساعده معه
اخي ما تستهين بالوسواس وخاصة اعطيتك نبذة عن معاناتي ومن ضمنها سنتين انحرمت من ضم ابنائي وتقبيلهن من وراء الوسواس والاكتئاب وكنت اتقطع بس شوف حدا عم يضم ابنو ويقبله والحمدلله والشكر لله بعد العلاج اولادي ما بشبع من قبلاتهم وضمهم وحتى بالطريق بضمهن واللي بشوفني بيقول هيدي هبلة او مجنونة معقول بالطريق بتضل تضم ولادها وتقبلهن لمرحلة اني ما بشبع منهن
اخي ما بنعرف اخر القصة شو صار واذا اتعالجت زوجتك او ما استمرت عالعلاج بس حالتك اللي وصلتلها انت بحاجة لطبيب لتزيل كل الترسبات الماضية سبع سنين مش سهلة لا عليك ولا على زوجتك اللي معاناتها من قبل الزواج
اسأل الله ان يعوضكن بسعادة لا تنتهي وراحة بال طول العمر
بانتظار ما آلت اليه الاحداث
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه