بهالموضوع أشوف إن البنات ينقسمون لثلاثة أقسام:

- فيه إللي تهتم بنفسها عشان نفسها وتلقاها دايم على سنقة عشره وتحب الزين وهي بنت وهاذي بعد الزواج تستمر زي ماهي
لأنها مهتمه عشان نفسها مو عشان أي أحد

- إللي ماتهتم بنفسها نهائي وأهم شي بالنسبه لها النظافه الشخصيه ويمكن حتى هالشي مهملته هاذي بعد الزواج بتستمر نفس الشي

- إللي تهتم بنفسها مؤقتاً بس عشان تتزوج وبعد الزواج بفتره خلاص تبرد زي مايقولون بالأخص لو زوجها من النوع إللي مايهمه
أهم حاجه ياكل ويشرب وياخذ حقه الشرعي وبس

في النهايه أي شخص قبل يطلب من شريك حياته الإهتمام لازم هو يهتم بنفسه عشان تاخذ لازم تعطي ويفضل يكون طلبك بأسلوب لبق

وأبتعد عن المقارنه تماماً بعض الرجال يعتقدون لو أثاروا غيرة زوجاتهم هالشي بيخليها تتحمس وإللي بيصير في الواقع العكس