المشاركة الأصلية كتبت بواسطة ام مريمي

اخوي كناري مو كل وحده طلعت بروحها معناه منفتحة! البعض مجبور ؟! يعني انا من تخرجت بالثانوي اجبرت اعتمد على نفسي بكل شي! عندي سيارتي الخاصة واقضي حاجاتي ، دراستي و شغلي بعدها .. وحاجات الاهل الخاصة وحاملة احترامي معاي بكل مكان ! والديي بعمر يحتاجون للراحة واخوات واخوان متزوجين ومشغولين فهل بالنهاية هالشي معناه راح انحرف لا محاله ؟! ..

هذا غير بمجال الدراسة ببعض التخصصات لازم تتواصل مع زملائها وتجبر على الاختلاط فهل هذا معناه غير محافظة؟ ،، لا وازيدك من الشعر بيت كان معانه بنات ملتزمات بشكل كبير وعندها مواصلاتها الخاصة وتتجول معانه ولكن يبقى المحترم محترم وين ما يروح ... على هالمنوال لازم نرجع لايام اجدادنه ونحرم دراسة البنت وخروجها ! مع ان خبري بايامهم كانت المرأة تخرج لوحدها ومع جيراتها وتقضي امور بيتها ..

على العموم رايك اخوي له احترامه وع العين والراس ،، بس نصيحة اذا حصلت على بنت الحلال لا تتشدد بهالامور ولا تحسسها بان مجرد اضطرارها للخروج وحدها معناه عدم محافظه على دينها .. وربي يوفقك باللي تتمنى يارب ..