عمو روؤف
انت الوحيد هنا اللي حاسه انك حتساعدني من غير ما تخاصمني ..

متزوجه من 3 شهور
كبريت
متعوده اني احصل ع اللي ابغاه بالبكاء ان ما حصلت عليه بالطيب وبالابتسامه
بعد زواجي صرت بكاااايه درجه أولى ودمعتي ع خدي واجلس يومين ابكي الين احس عروق وجهي مشدودة وألم بكل جسمي
وزوجي اكبر مني ب 13 سنه
طيب وشرير
حنون بنفس الوقت قاسي
مزاجي
يحبني ويسمع كلامي أوقات
كان بداية الزواج يراضيني بس الان اذا ما وقفت بكاء وجيته ما يجيني

عمو رؤوف شفتك مرا دخلت موضوعي وتمنيت انك تعلق بس لما ما علقت حسيت انه مشكلتي تافه بنظرك .. بس والله تعبانه
بحثت بالنت لقيت حبوب لتخفيف القلق والتوتر وتُصرف بدون رشتّه ومالها مضاعفات ايش رأيك استخدمها ؟!

عصبيتي وطولة لساني وقلة صبري بتضيعني

مو راضي احمل الان بالبدايه كان اتفاق مننا بس انا احس انه الرجال مالهم أمان غيرت رأيي وقلت له بحمل بالبدايه حاول يقنعني انه نبغى ننبسط مع بعض سنه بعدين قال خلاص لما تعقلي أخليك تحملي

دائماً بكل مشكله احس انه ممكن يتنازل عني ودائما أقول له طلقني بس هو حلف لي انه اللي ببالي ماله أساس وانه متمسك فيني

باقي له 12 يوم ويرجع ومن الربوع زعلان مني بدون سبب والله ومع كذا تنازلت مرتين وبالمرتين مقسّي قلبه .. هو اول ما عرفته قال لي انا جاف وجامد والان صرت ملك لك غيريني زي ما تحبي لكن ما توقعته بهالقسوه.. حنون بس لما اكون قط وديع ..

لك خُلق يا عمو رؤوف تخليني بنت عاقله وشاريه دماغها ؟؟؟؟