والله يا انكسار هاذي مشكلة الكريم ،، مثل مايقولون فلوسه لغيره .. اخوي فيه نفس طبع زوجك وبالبداية كان مع زوجته مثلك لا طلعه الا معه ولا زيارة الا به وهكذا .. طنشت مرة مرتين وبعدها انفجرت بكاء واخرجت كل مابقلبها بالنهاية اعتذر ةفهمها انه ماكان قاصد الاذية والجرح وتفاهموا على تقاط تمنحهم اثنينهم بعض الحرية منها زيارة الاهل ... طبعا كل هذا باعترافه هو شخصيا وكان يوصيني قبل زواجي بالصبر والمصارحة والمناقشة وعدم المقارنة مع زوجي ..

اختي كانت تمر بمشاكل مع زوجها ،، بالنهاية كلها سببها المقارنة ! انا واختى الاخرى لنا مطلق الحرية والخ والخ والخ من صفات الازواج وهي بحكم انها اختنا كنا نطلب خروجها معنا بعد الاستئذان ولكن لرغبتها بان تكون مثلنا كانت تتسبب بمشاكل لنفسها ولنا ايضا ،، لما عرفنا ان سبب الخلافات هو فقط هالنقطه وتتفرع منها امور كثيرة قلنا لها مثل الكلام اللي قلت لك بالضبط .. رغم صفات ازواجنه لازال بيننا خلافات ممكن توصل للصراخ والزعل ،، رغم الحرية ولكنهﻻ تصبح مزعجة لانك تحسين بعدبن بان لا دور لزوجك بخياتك وانتي اللي تديربن الدفه وتضطرين تكوني بمكان القبطان لاوقات كثيرة وتستاقين لان تكوني بظل رجل هو المسؤول عنك بكل تفااصيل حياتك لحتى تحسي بالهدوء وقله التوتر .. ههههههه شوفيها الحين حصلت على ماتريد وزيااااادة وصارت تقول يااريت ارجع ويريحني ..

ما اقصد ان ماتكون لك حريتك ،، لانها حق من حقوقك ولكن كل امر له سلبيته وعلينا تقبله .. ارد اقولك طيبتك نقطه قوتك ونقطه ضعف زوجك فكوني ذكيه واستغليها لصالحك ... وربي يريح قلبك