|
|
09-08-2014, 11:20 PM
|
المشاركة الأصلية كتبت بواسطة بنت الكرام
ايوه احسه كذا جدا من هالنوع
وقلت له هالكلام اليوم الصباح : انه انت دخلت شباب وناس غير مريحه للبيت وابوي لو درا ماراح يرضى قال مو لازم يرضى أحد انا رجال و اقرر ! و صح انا مو قريبه منه وهو اصلا يطلبني انظف البيت مع انه عايش بجناح خاص فيه وما يدري عني بس يقول انا اطلبك كذا عشان تتطورين للأفضل وانا يهمني يكون كل البيت نظيف آه عانيت من مسألة انه عديم مسؤوليه واحساس اهلي لاني قبل ايام كلمت الوالد يرسل لي فلوس لانه اخوي ما يعطيني و مجوعني راح ابوي اتصل عليه و هزأه وقال له برسل لها على حسابك وعطيها جا عندي قال انا قلت لأبوي ما يعطيك خلاص انا بعطيك و مرت 5 ايام ما عطاني شي و امس طلبته فلوس قبل اروح بيت صديقتي قال مالك عندي شي لانك تأخرتي بالتنظيف !! |
09-08-2014, 11:44 PM
|
المشاركة الأصلية كتبت بواسطة Sandraa jeddah
لازم تكون لك ردة فعل
واستغلي موضوع السفر لصالحك خاصة انو متحمس للسفر وجالس يحط خطط لحياته هناك هوه متفوق في دراسته عشان كدا يبغى يسافر ولاعشان يبغى منبهر بالحياة هناك ويبغى يعيشها ؟؟ من دحين لاتطلبي منه شي وخلي طلباتك من ابوك مباشره وهو يكلمه واذا ما عمل لك الشي زي ماطلبتي ارجعي كلمي ابوك ،،، اعرف انها بتطول الهرجة بس لازم يحس بردة فعل منك على الضرب،،، انتي لاتتصادمي معاه ولاتغلطي بالكلام وتستفزيه وتأكلي علقة جديده ،،، خلي ردودك معاه مقتضبه كلمة ورد غطاها،،، جدا متعاطفه معاك على موضوع الضرب انتي مو حيوان يجلس يجرب قوته فيك 3 مرات انا لما انضربت وصلتها للشرطة ودار الحماية وحقوق الانسان وكان بيني وبين الإعلام شعره دحين اخواني يفكروا ألف مرة قبل مايتجرأو يمدوا يدهم وعلاقتي فيهم اسوأ من علاقة اخوك فيك سألتك عن تصرفاته بشكل عام بالذات موضوع التحرر فكري ودققي ملاحظاتك واربطي المواقف ببعض،، اول مرة اعرف أخ يقول لأخته اخلعي النقاب حتى لو كان مو مقتنع فيه أكيد بيخاف المجتمع ومن كلام الناس ،،، ارجعي تذكري لما يكون الباب الخارجي مفتوح تذكري المواقف قبلها وبعدها ،،، |
10-08-2014, 12:02 AM
|
المشاركة الأصلية كتبت بواسطة بنت الكرام
ياحبي لك حبيت فيك انك مستعده تتناقشين معاي لأبعد حد
ذقت الضرب مرة وحده تنذكر وماتنعاد ههههه عشان كدا متعاطفه معاك جداااا كلما تمر اللحظات تزداد عندي فكرة اني ما آروح معاه آبدا لانه شخص لا يؤتمن - بالنسبه للدراسه انا كان طموحي الإبتعاث وهو شافها فرصه يروح معاي لإنه معدله جدا منخفض وانا معدلي عالي هو مش طموحه الدراسه بقد ما هو طموحه ياخذ درجه علميه عاليه ويرجع ويصير معيد او دكتور عشان يضمن وظيفه مريحة بدخل عالي لأنه كان موظف على شهادة البكالوريوس و وظيفته مرهقه جدا وساعاتها طويله وانا فرصته الوحيده للإبتعاث و احس فيه نوع من الانبهار لانه متأثر جدا بالحياه الغربيه بشكل لايوصف بس احس الأكثر انه يبغى وظيفة مريحة ! كلام حلو شوفي حبيبتي هو من بدا مشوار السب عنده والإهانات صرت أخلي ابوي الرابط بيني و بينه و هالشي يستفزه ججججججججججدا اممم اجل وقفي التواصل مع ابوك وخليه مباشر وبهدوء ولاتطولي بالكلام ولاتبرري الأشياء اللي تتوقعي يكلمك عليها زي تنظيف البيت وتجهيز الاكل خليها حاهزه قبل وقتها عشان مايحتاج يكلمك ويتصادم معاك ،،، لاتطلعي مشاوير الا للضروره وكوني هاديه لاقصى درجة اذكر المره الاولى لما ضربني واتصلت على ابوي و سمعني انقهر و ضربني اكثر ! لكن خلاص انا ماعاد بطلب منه شي عشان يوصل الموضوع لأبوي بطلب من اي احد غيره ! زي مين مثلا اذا تقدري تستغني استغني ،،، بس بدون استفزاز - لا هو من النوع اللي يتأثر بكلام الناس ججججدا خاصة الجيران والاقارب اذا كان في البيت يعني هو بعد ما ضربني قال لي الحين مين بيتزوجك وانتي طالعه مع السواق افرضي جارنا شافك ؟ قلت له : طيب انت قبل ايام لما رحت عزيمة صديقتي دقيت عليك ترجعني قلت لي ارجعي مع السواق قال : لما اكون تعبان عادي ارجعي معاه قلت له : ما شاء الله والناس راح تدري انك بهذيك اللحظة كنت تعبان وراح يرجعوا يخطبوني ! و لما نبعد عن البيت العكس اكثر من مره نروح لدول مجاوره ويضغط علي آشيل النقاب اجل معناتو متاثر فقط ببعض الكلام وماعندو قناعات ومبادئ زي ماقلتي انا سبق وكتبت انا متأكده لو رحت معاه راح يبعدني عن الله ! |
11-08-2014, 05:41 AM
|
ذقت الضرب مرة وحده تنذكر وماتنعاد ههههه عشان كدا متعاطفه معاك جداااا كلام حلو اممم اجل وقفي التواصل مع ابوك وخليه مباشر وبهدوء ولاتطولي بالكلام ولاتبرري الأشياء اللي تتوقعي يكلمك عليها زي تنظيف البيت وتجهيز الاكل خليها حاهزه قبل وقتها عشان مايحتاج يكلمك ويتصادم معاك ،،، لاتطلعي مشاوير الا للضروره وكوني هاديه لاقصى درجة زي مين مثلا اذا تقدري تستغني استغني ،،، بس بدون استفزاز اخوك بذرته كويسه مره ماشاء الله بس زي ماقلتي فاهم الرجولة خطا تلاقي احد سحب البساط من تحته ( ابوك اخوانك الكبار ) او أصحابه من النوع اللي يهايط وانت رجال وانت مو رجال وياكثر ماسمعناها او عنده مشكلة نفسيه ( احساس بالنقص خاصه لما يقارن نفسه فيك )ويبغى يثبت لنفسه انو اقوى منك في اشياء ثانيه غير مجال العمل اخوك يشبه اخويا الكبير في بعض تصرفاته وكان واضح فيه لمحه من جنون العظمة ( اذا جاء صعيف تحت يده استقوى ونسي قوة ربنا ) بس الحمدلله دحين هجد شي كثير وصار اهدأ ومايتصادم كثير مع انو الهياط وحكاية انا رجال لازالت موجوده بس بدون حدة زي زمان |
11-08-2014, 07:46 AM
|
المشاركة الأصلية كتبت بواسطة بنت الكرام
اول شي ساندرا عن جد اقدر لك تعاطفك معاي وماراح انساها لك
و ابي اعرف ايش الافضل اتواصل مع حقوق الانسان او الشرطة لانه واضح ناوي لنا نيه ولازم اخذ كل احتياطاتي ، احس اني عايشه مع وحش ! طول الوقت مقفله على نفسي الباب واذا طلعت و تخيلت اي صوت اخاف يكون هو واجري اقفل على نفسي ما ابغى احتك فيه لانه جرررررررررررررررررحني طيب شوفي المستجدات نظفت البيت ومشيت على كلامك انتي و ابوي وجا يقول ما عجبني التنظيف وما بطلعكم مكان واحنا نبغى المستشفى ورفض يعطينا فلوس نطلب اغراض للبيت ناقصه من البقاله شوفي والله لما قلتي لاتطلعين مشاوير الا للضروره انا حياتي كلها تعودت فيها اطلع اكثر من مشوار باليوم الواحد مو لاني انسانه ماعندي سالفه او ابي اهرب من البيت او مثلا ما وراي اهل- بس من دخلت الجامعه وانا ادرس الصباح و احضر دورات المسا ومحاضرات وعندي حلقه لتحفيظ القرآن انا اديرها وهذا نمطي واهلي عارفينه و بالعكس مشجعيني وحاليا توظفت وصرت اشتغل الصباح و ادرس العصر و احضر محاضرات المغرب والعشاء ومرات اروح بيوت صديقاتي ( اعرفهم من سنين واهلي يعرفوهم ) او اروح آصل رحمي كل جمعه خوالي او اعمامي الحين اعمامي فقدوني يقولون وينك كنت اروح دايم مع ابوي اسلم عليهم نادر اطلع اتمشى او اتسوق جدا نادرررر انا فعلا طلعاتي كثيره بس كلها برضى ابوي وتشجيعه وكلها اشياء احاول انها تقربني من الله او تطورني او اخدم فيها ديني مدري ليش يبغى يدفنني كذا ! طيب الحين سكت على المشاوير طيب لما عماني اليوم فقدوني وكلموه ع الواتس ليش النحاسه والنذاله ليش ما يرد يقول انا منعتها ؟ ليه ما وداني عندهم ؟ وليش امس ما وداني عند ناس من جماعتنا و يصيرون جيراننا بعد وبيتهم جمب بيتنا اقول له ع الأقل خليني اروح حتى لو ماتوصلني ويقرا كلامي بالواتس ويطنش !! و الحرمه دقت على آمي وهي مسافره تقول لها بنتك لازم تجينا وامي قالت لي روحي وهو متحلف فيني لو طلعت طيب المستشفى ليش مو راضي يودي اختي اليوم ؟؟ - كيف بدون استفزاز ؟ احس مو قادره افهمه احس مستفز من نفسه خلقه يعني للحين ما عرفت السبب الحقيقي ليش ضربني مره يقول ما نظفتي بسرعه ومره يقول ما نظفتي زين ومره يقول انا حاقد عليك من زمان ومره يقول انتي مزعله امي ( وامي انا من سنه واكثر صار بيني وبينها موقف عادي وهي اشتكت له وانتهى الموقف عادي رجعت علاقتنا ) ومره يقول انتي قويه بكسرك و انتي قدرتي على ابوي لانه مسكين ! - محد سحب البساط من تحته لانه ماعندي اخوان كبار هو الوحيد اللي اكبر مني : ( و اصحابه ما اتوقع يحشون دماغه لانه اساسا ماعنده صداقات حقيقيه كل يوم يتمشى مع احد جديد ! من النوع اللي راعي علاقات واسعة بس بدون شخص محدد وكلهم اشخاص مناظرهم ما تريح انا احس فيه احساس بالنقص كبيررررررررر وفيه تعجرف وتجبر لانه امس كان يقول انا انسان مثالي وكل الناس يحبوني انتي بس ابوي يحبك وانتي لاعبه عليه مسكين !! كلامه وربي جرحني و بكاني |
12-08-2014, 05:43 PM
|
المشاركة الأصلية كتبت بواسطة Sandraa jeddah
اذا ماتقدري تواجهي العاصفة الأفضل تنحني حتى تمر
اعرف انو هو يدور مبررات للضرب وان كانت غير موجوده واضح انو عندو مشكلة نفسيه الله يهديه حكاية الشرطة وحقوق الإنسان لا ماأشجعك عليها لأن اهلك معاك ابوك على كلامك مو عاجبه تصرفات اخوك وان شاء الله يآخد حقك أنا ماكان أحد معايا وبعايلتنا الرجل كان مقدس وملك ولا أحد يقوله انتا غلطان ابويا وامي سلبيين جدا عشان كدا اتخذت موقف اللجوء للشرطة وحقوق الإنسان لتخويفهم والحمدلله جاب نتيجة وحسسهم اني ممكن اسوي شي ولازم يخافوا وضعك مختلف تماما اذا سفر اهلك مطول إلجئي للي تشوفيه مناسب من عيلتك استنفذي كل الحلول قبل ماتلجئ للشرطةن الله يكون بعونك طمنينا أول بأول |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض المتطور