الحمل لازم يكون الزوج والزوجة مستعدين له ومرتبين حياتهم وانفسهم مو بس نفسي ونفسها .. ولا على كذا مابيصير عندنا شغله غير مواعيد النساء وغرف الولادة ..!

عارف هالشيء .. قلت لها والله قالت شفت كان امدانا جبنا واحد قبل نسافر هههههه قلت لها بعدين لما نرجع قالت لا حتى لو بنسافر !
وتستمر المراوغة ..

اوافقك الراي تماما .. لازلنا صغار السن انا وهي والحمدلله واعمارنا في بداية الثلاثينيات وباقي في وقت
ان شاء الله معنا .. بس العجلة دايما هي صفة المرأة ..!

اليوم الثاني .. يستمر الضغط من جانبها حتى اوافق وارضخ لطلبها بايقاف مانع الحمل ..
لا اتصالات ولاترد على اتصالاتي ..
لارسائل ولاترد على رسايلي ..

صامدون .. صامدون
ويستمر وقف اطلاق النار والترقب الحذر من الجانبين ..
مع قطع كامل للاتصالات وشتى وسائل التواصل كنوع من تشتيت الانتباه والتركيز حتى يتم رفع الراية البيضاء .. ولكن
هيهات هيهات منا الذلة .. سنستمر في معركتنا الخالدة حتى ربنا يفرجها ان شاء الله ..
نحن لانستسلم .. ننتصر او نموت .. وحمل مافي الحين!

وضعك الان مثل وضعي مع زوجتي وعمر اطفالي مثل اطفالك أنا اريد اطفال وهي رافضة لأسباب اعتبرها دلع وكلام فاضي
قبل ايام اشتد النقاش بيني وبينها وقلت لها ان شاءالله عدد اطفالي لايقل عن 7
ومااشوف غير دموعها وقالت وقعت لك على حرمة ثانية

يلا ان شالله تتفقون على حل يرضي الجميع انا معك في التنظيم بين الاطفال عشان تربيتهم

لكن دام هي تبغا تحمل خلها تحمل بس قلها تاجل شوي واعطها سبب مقنع

انا دايما اسمع العكس الزوج اللي يبغا الزوجه تحمل والزوجه اللي ترفضض

انتم العكس هههههههههههه ماشالله

حلو يكون بين الزوجين اتفاق في امور حياتهم واحترام متبال

طيب صلحوا قرعه وشوفوا اش يطلع ؟؟؟

جا دوري اكتب بعدما قريت كل الردود ،، موضوع حلو

انا نفس شخصية الكاتب ،، ليست طلعاتي كثيرة ولست منعزلا ،، واحب التواصل دائما مع زوجتي واحب اكلمها واسولف معها على الجوال وادق عليها كلما طرا سبب وهي ما تسوي مثلي ، يعني ثلاثة ارباع الاتصلات مني ، احب تسأل عني وش سويت اليوم وعسى كلت شي وعساك مرتاح وكيف نفسيتك ووو ولكن اللي يحصل عكس ذلك ، هي تحبني ولكن ليست عاطفية كما نسمع عن النساء بااردة ، ودائما اطلب منها تسمعني كلام حلو ترد تقول وش اقول !!!!!!! ، يعني ماتعرف ترتب كلمتين حلوة ، وانا احب الرومانسية والكلام الفياض والغزل والحب وهي اهم شي عندها ما حنا متزاعلين خلاص هذا يكفي ، مشكلتها اذا راحت عند امها نست العالم ونستني وياما تمشكلنا عشان ذا السبب ، كم مرة اتصل ما ترد ثم تتصل بعديييين ، وانا اول ماتتصل ماتكمل رنة وحدة ، عندي اربع اطفال ومقدر انشغالها لكن الزوج المسكين قلب الطفل خلاص يندثر من الاهتمام ليه يازوجتي ، نحن الان في اجازة وعندنا دراسة برا وعشان كذا مخليها عند امها قبل نسافر ، صح ان الاجازة طويلة لكن بسبب اشغال كثيرة لازم اسويها واذا تذكرت اززززعاااج الاطفال الله يخليهم لي قلت خلها تجلس لاني من محبي الهدوء ، بس ياحظ اللي زوجته رومانسيه وعاشقة وشاعرية وتفنن كلام واسلوب صوت هذا شي يذوبني صح ،، ادعوا لي الله يسعد كل زوج وزوجة

ابشرك والرمانسية العاشقة المتفانية مبتلية بزوج كزوجتك برووود وعدم تقدير وعدم اهتمام

طيب وش سويتي

ماسويت شي ...الظروف هي اللي سوتني

العاطفة المتدفقة وحب عمل الحفلات وحب الاهتمام بالطرف الاخر
وجهتها لأولادي واهلي ...

وباللنسبة له يحب ان يراني قوية الشخصية وماعلي في احد حتى لو هو فاصبحت كما يريد عنده

وكما أريد عند اولادي واهلي