اسمعني عاد
تراك بموضوعك ذا تزيد على نفسك
لأنك كلما تكتب تتألم وتتذكر
حاول تتلهى بشي
انس يا اخي شوي
ترا الحريم يحبون اللي يسج عنهم شوي
شف لك شغلة تفرج قنوات مفيدة مثل ديسكفري او بي بي سي بلانت
دور لك اصدقاء او تعال صادقني انت والله جزت لي كم رقمك ؟ ههههه
انشغل انشغل شوي
نصيحة سمعتها من اخوي اللي اصغر مني من سنوات وثبتت في قلبي : لا تعلق حياتك في احد ابدا . صدقت يخوي القهر انك اصغر مني خخخ

ههههه حياك الله .. لي الشرف طال عمرك ..
بس ياخي انت تخوف اخاف تخربني وبعدين انسى زوجتي وخاصة انك تقول لها عند اهلها ثلاث شهور وكل ويك اند عند امها .. انا مايخارج معي هالكلام ابدا وش الي ثلاث شهور وكل ويكند..!
والله يالغالي ان عندي شغلات كثيرة بس هالموضوع ماخذه انا ترويح وتسليه عن النفس فقط عشان لااطفش بلحالي مع ان عندي شغلات كثيرة والله ..بس حتى لو انشغلت ماراح تنسى زوجتك واطفالك..
ياخي انت قلبك حجر ههههههه ياشرير

والله اني رومانسي واحب اكون حبووووب مع المرأة
مو الغلط الثلاث الشهور الغلط اني عودتها من تزوجنا كل ويكند . ما اخفيك حاولت تجلس مرة وحدة وثااارت علي انا بصراحة ما تهنيت بزواجي ابدااا .. يعني تجلس غصب مالها طعم كذا
السبت لو اتأخر زعلت اقولك احس اني دوامها من السبت سابقا الى الأربعاء
انت كيف نظامك ؟

وش الي عودتها كل ويكاند عند امها ؟
طيب وانت والاطفال مالكم حق تاخذون ويك انك مع بعض ؟ تخرجون مع بعض ؟ تتمشون مع بعض ؟
لو حتى تجلسون مع بعض بالبيت ..
ولا خذ امها معها كل ويكاند لين تطفش امها وبتسيبكم ..
وضعك غريب والله ..
لو كل فترة والثانية اوكي بس كل اسبوع عند امها ليش؟؟
زوجتي تزور اهلها واخوانها عادي بين فترة والثانية لكن ماتصل اسبوعيا حتى اهلي مازورهم اسبوعيا
لازم بين فترة والثانية اسابيع او شهور مو كل اسبوع بيصير روتين وملل
وبعدين ليش تثور عليك وش السبب.. زوجتك وجالسة معك في بيتك وانت متزوج عشان كل ويكاند تروح لاهلها ..!

^
.ياليت زوجي يحدد لي ايام لروحة اهلي ..بالعكس عادي عنده لو اجلس كل الايام عند اهلي ينبسط يبي يعيش حريته مع انه والله مامنعه دايم طلعات
وياخ amg بالعكس انا اؤيد انك تبين لزوجتك انك مشتاق لها وتتمنى جيتها للبيت بس من غير ماتفرض عليها علشان ترجع مبسوطة ومتشتاقه ..
الله يديم عليكم الالفه والمودة ويحفظ لكم احبابكم

ماشاءالله عليكم
الله يديم الموده

حلو انك تشتاق لها وتبين لها هذا الشيء راح تفرح وتقلل زيارات

انا عني لو مرتاحه ببيتي و زوجي حبوب ويجلس معي ما اروح لاهلي كثير كل شهرين ثلاثه اروح يومين نجلس مع بعض ونرجع

لكن الشكوى لله
مايجلس بالبيت ابدا
ومافي اي انسجام بيننا

واحس الرجال الي وده بالفكه من زوجته بالأغلب يكون خاين ويبغى ياخذ راحته

الله ييجمع بين قلوب كل زوج وزوجه ويبعد عنهم الخيانات و النفور و المشاكل

صراحة انا اشوف هالموضوع شخصي ويختلف من شخص لاخر ولكن والله اعتقد ان الزوج والزوجة مالهم
الابيتهم ولو زار اهله اوزارت اهلها .. ومن طلع من داره قل مقداره .. ويامرحبا بمن زار وخفف ..!

انا عندي مشكلة واحدة في زوجتي تقهرني وبصراحة ردك ياريماس ذكرني في هالمشكلة وهي الاعتمادية علي في كل شي حتى في الامور الخاصة تبيني اخذ عنها اي قرار وهذا يزعجني احيانل لاني ابي اسمع منها قرارها وتفكيرها عشان كذا حتى في رجعتها للبيت راح تقول على كيفك انت وانا نفسي هي تاخذ القرار اما تجلس او تقول برجع .. شيء جميل يكون للزوجة قرار منفصل وتاخذ راي زوجها لكن انه يصير كل شيء على الزوج مشكلة .. اللهم امين وشكرا لك

تحديث يوميات اليوم الخامس ..
كلمتني قبل قليل بعدما خرجوا من الطواريء وكلمت الدكتورة وتطمنت ان البنت الحمدلله ماعندها غير نزلة معوية بسيطة من تغيير الجو وفحوصاتها ممتازة وخرجوهم البيت .. وكلمت بنتي وجالسة تحكيني عن الابرة والدكتورة وانهم عوروها بالابرة عشان المحلول وتشكي هههههههه طبعا راجعين البيت والحمدلله ..!
مدري ليش حسيت بنتي الصغيرة واخر العنقود الي عمرها اربع سنوات صارت كبيرة وتكلمني بالجوال من بعيد وحسيت
اني صرت شايب ولفت قدامي الايام وانها خلاص بتتزوج وبتروح مع زوجها .. ياخرررراشي لازم نجيب عيال صغار بعد كم سنة ونربيهم عشان مانكبر صح ؟ اما اتخيل نفسي ارجع البيت بعد كم سنة مافيه الا انا والمدام بس ونجلس نتناقر مثل الدجاج هههههههه والله حالة

ياأختي مافي لانظام ولاتنظيم ميزانية وبما أني المبيت ببيت اهلها لزوم الواحد يشتري شي وهو جاي من حلويات وماشابه لكن مصروف زوجتي وبناتي ماشي كالعادة لاني ماأحب اكلف على اهلها مع ان ماشاءالله ماعليهم قاصر.
لكن ان خليت زوجتي لحالها عند اهلها يزيد مصروفها وتهتز ابو الميزانية كلها بسبب خرجاتها مع صحباتها والصالونات استجمام على قولها .وعشان تشتري لي هدية
ومدة جلوسنا ماتزيد عن 10 ايام.

نحاول والله لكن مالبيد حيلة