بالصراحه الموضوع حلو
اول مره اسمع فضفضة رجال دايم الحريم يفضفضو
وعلى قوله ريماس تفهمي شخصيه الزوج اشويه مع اني أشك انها تتفهم 😡
وخليهم يأخذوا راحتهم بالمنتدى من حقهم يفضفضو والي يبي يعلق يدخل بكيفه
يعني الموضوع مافيه ضرر على احد
بس بالصراحه من كلامكم
كان في أشياء كثيره من حركاتكم في طليقي
معقوله كان يحبني ومتعلق فيه

__________________
ريم نواف سابقا

الله يهنيكم بازواجكم ويسعد الجميع

بالنسبة لاخونا اللي متضايق من زوجته حاول تغير معاملتك لها لان واضح فرق بينك وبين الاعضاء في التعامل مع الزوجة

وبالنسبة لاخواتي العضوات استغرب صراحة انكم تقولوا لازواجكم لا توسخوا البيت وخلووه مرتب --بالنسبة ليا اقول خذ راااااحتك لاني لما ارجع حنظف كل شي من والى
والشهادة لله هو طبعه ما يخرررب كثييير ولايحب الطبخ نهائيا

والله يعين العزااب ويرجعوا يتزوجوا من جديييد --------امزح امزح اقصد يرجعوا زوجاتكم وتعيشوا بسعاده

بالعكس الموضوع مفيد رغم انه مجرد يوميات عفوية ...

اول شي .. الموضوع لذيييييذ ... ربي يتمم سعادتكم ويوفقكم

أما العشا هههههههههه من رأيي تبدأ خطوة بخطوة ... ابدأ بالسلطة خوفا من الكوارث

خلي زوجتك عند اهلها كمان أسبوع .. منها هي تنبسط ومنها تكمل الموضوع بلاش يخلص بسرعة

على فكرة .. أتصور زوجتك انبسطت جدا من داخلها لما طلبت منها ترجع وقلت لها انك مشتاق لها وتعبت لحالك فحبت تتدلل عليك شوي . فإذا أنت حاس أنه دلع ماصخ وما عجبك ردة فعلها فالأفضل تخليها عندهم وتبدأ تعطيها يومياتك الحلوة المثيرة ... مو بس جالس بالبيت تنتظر رجعتها .
أما لو كنت ما تضايقت من ردها وتقبلته فهنيئا لك ولها ... مش غلط الزوج يدلع زوجته

يوميات رائعه الله يوفقك ويسعدك

طبعا اغلب الرجال اذا الزوجه هي من تأخذ فترة نقاهه يشتاق لها موووت ولا يتحمل

واذا هو يأخذ هذه الفتره وسافر مثلا الشوق في هذه اللحظه يتبخر ولا يفكر يرجع لها بسرعه

جميل منك هذا التقدير لزوجتك وسيعود عليك بالنفع والسعاده باذن الله

لاجديد.. امس قلت لها اعطيني قرارك اذا بتجلسين او تجين عشان اجي اخذك لان المشوار بعيد شوي
قالت لي زي ماقلت لكم ابي اجلس اسبوع .. قلت لها خلاص قرري واعطيني ردك الاخير بالليل او بكره
من امس الى قبل شوي .. ماردت علي وقبل شوي تقول خلاص ابجي مع واحد من اخواني ؟؟

هالتذبذب في شخصيتها يذبحني ويرفع ضغطي .. نفسي تكون من الي يتخذ القرار وينفذ على طول
جزء من مشاكلنا سببها وضعها هذا (( التردد))
دايما تتردد في كل شيء .. كل شي لازم تجلس تحسب وتفكر فيه وتقرر وبعدين تغير كلامها ..
نفسي تكون صريحة معي ولما تاخذ قرارها ماتتراجع عنه لكن للاسف دايما كذا ودايما انا من يقرر مهما صار
الصباح ارسلت لها قلت دام بخاطرك تجلسين عند امك اجلسي لين تقنعين وبعدين اعطيني خبر اجي اخذك وقبل شوي تقول خلاص ابنزل مع واحد من اخواني ..!!!
وش اسوي معها كل يوم بكلام ؟ وعلى فكرة هي طلبت من فترة تروح لاهلها واجلنا الموضوع والحين لان الوقت مناسب انا الي عرضت عليها تروح تسلم عليهم وتغير جو ..
طيب انا وين من هذا كله ؟ امس تقول ابي بجلس كمان .. وقلت لها فكري وردي علي عشان يمديني اسافر ولاردت علي وقبل شوي تقول خلاص بجي ومع احد من اخواني ؟
وش رايكم ؟؟

راينا اذ سمحت لي التردد فيك انت انت اللي تحيرها
مثل هذا انت اللي قرر ، قل ترا بجي الوقت الفلاني مناسب ؟
وودي تخليها لو يوم واحد ما تتصل انت عليها خلها تتصل عليك

ياخوي الله يفتح عليك ركز ع اسلوبك قبل لاتلومها
المشكلة هي تبي ترضيك وف نفس الوقت خاطرها تقعد
يعني قالت لك امس ودي اقعد اسبوع وشو له السؤال مرة ثانيه وبصرامة حددي بترجعي اليوم ولا بعد اسبوع ردي علي المسا !!
اسلوبك الي يخليها كل شوي تغير كلامها
يعني لو انت ع قولة تاخذ دايم القرارات عنها وانت عارف حاليا انها ودها تقعد المفروض تقولها خلاص حبيبتي اقعدي اسبوع بعد انبسطي وطلعي الي ف راسك باخذك الاسبوع بس ها تكوني جاهزة لاني بجي ع طول

اما انك تتذمر وتتحلطم وتوترها كل شوي متى راجعه يلا حددي عندك لين بعد ساعه عندك لين بكرا وش هذا التوتر غلط طريقتك وقريت موضوعك السابق وقت عزا والدها نفس الطريقة
يعني هي شخصيتها قوية وعارفه وش تبي لكن تبي ترضيك وهذا الي يخليها مترددة
غير اسلوبك وشوف كيف بتصير معاك

مناسب ؟ ؟
يعني استشيرها اجي ولالا .. ماتقدر انت تقرر كل شيء عنها وخاصة فيما يخصها هي ..
انا معاك في مواضيع القرار فيها للزوج بس ولكن الزوجة لها تسمع بس وتنفذ لكن اذا الموضوع يخصها فانا اشوف ان لابد من اشتراك بالقرار .. ياليت اكون مثل ماتقول ياخوي بس مااقدر وهذا الي يتعبني احيانا معها فحتى امور بسيطة احيانا تكبرها وتجلس محتارة ومترددة فيها ..
بنجرب ونشوف بس والله محتار في موقفها هذا حق الرجعة قد ماني فرحان برجعتها والعيال قد مازعلتني
بتررددها في القرار مع اني ساعدتها وطلبت منها تجلس لكن تعكس كلامي وتقول ابرجع واقول لها ابجي اخذك تقول ابرجع مع واحد من اخواني ..

التردد هذا لا يدل على انها شخصيه لا تتخذ القرار ومتردده
بل هذا اسلوب ويعتمد على اسلوبك انت

زوجتك تحبك كثيرا والدليل انها ضحت بجلوسها لدئ اهلها في سبيل ان لا يستضيق صدرك منها او تغضب منها وهذا ما استنتجته هي من اسلوبك لا اكثر ولا اقل