تسلمين يالغاليه
اليوم وديت بنتي المستشفى تنفسها كان فيه ازعاج وخفت عليها
بس الحمدلله شوي عندها احتقان بخشمها
لحظه وانا رايحة بها المستشفى نسيت الطلاق وكل شي
ياربي احفظ لي بناتي وارزقهم الصحة والعافيه
وارزقني بعد عافيتي والله تعبانه بظهري وبعد الم براسي وضلوعي
استودعتهم الله الذي لا تضيع ودائعه


بالنسبه للغاليه فاكهة الشتاء يوم تقولي ردوي مو طبيعيه قولي كان الله بالعون
في ناس يافاكهة مريضه وماتتعالج وتدعي العقل والكمال
انا سبق ورحت دكتور نفسيه زمان جلست حول ساعة مع الدكتور طارق الحبيب قالي مافيك شي غير خوف من الحرمان اعظم امور بالنسبه للاخرين طبيعيه وربما طبيعي حسب طفولتي كيف عدت
الي احسه ربما عين صابتني ويمكن هي لي تكتمني وتسبب لي الضيق الشديد
وبالرقيه اتعب جدا
زوجي جعلني خشبه تطفو ع وجه الماء والامواج تلطم فيها فقدت معه احساسي بالانوثه من كثر ماتعودت اسوي بنفسي كل شي
ومع هذا راح اخذ بنصيحتك واراجع كلنا محتاجين جلسات نفسيه الحياه مليئة بالمتعاب
الله يعوضنا الجنه يارب والله كل ماتذكرت الجنه ونعيمها هدأ روعي

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...