روح الطير
توقعت هالرد من اي شخص الا منك
هي امرءة مثلك مكسورة الجناح
وانت تعرفين وضع المرءة عندنا

لكن عزيزتي شوك

هناك فرق ..

هي زوجها مو مقصر معاها ..
برضو هو إنسان له احساس و مشاعر و الدليل ما قصر من بعد طلاقهم ..

انا قلت ..
تعطيه ضمان فقط ..
انها ما تتركه مجرد ما تأخذ شهادتها او تتصلح أمورها مع أهلها ..

حتى لو كانت امراءة الي تشتكي و مرت بنفس الشي
راح أقول لها تأخذ ضمان من زوجها ..

.
.

ماعرف ..

يمكن ما صرت اضمن أحد بالحياة هذه !؟

عال عموم هي وجهة نظر و هو غير ملزم بأخذها ..

الموضوع سمعناه من طرف واحد
وش اباسباب الي خلتها تطلب الطلاق
وصاحب الموضوع اربع سنوات ينتظرها
وبعد هذا ايضا تاشرط
اخي هل هي ماسكه عليك شي او عملت شي وخطا دعاها للطلاق
وانت تنازلت الان

اتوقع ندمت وعرفت قيمتك بعد الطلاق
هي لوماتعزك ماقررت الرجوع لك
وانت فكر في عيالك ووضعهم بعد الطلاق
جزاك الله خير ماقصرت مع ام أولادك واولادك وبيض الله وجهك
اسأل الله تعالى ان يجمع شملكم في القريب العاجل

الاخوات اللي مايعرفون المشكله من الاساس اتبعوا مواضيع الاخ وشوفوا معدن زوجته ...


انا برايي طلب الرجوع لمصلحه في نفسها لااقل ولاكثر ..ومو عيب تطلب الشي لمصلحتها خلوها تحب نفسها

غريبة انه الأخ صاحب المشكلة ما انتبه لسبب طلب زوجته الرجوع في هذا الوقت

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..

يعني تبغى الرجوع عشان تطلعها من بيت اهلها!!!
بصراحه انت رجال والنعم فيك رجل نادر في هذا الزمن ماشاء الله استغرب تفريط زوجتك فيك
الله يعينك ويوفقك لمافيه خير وصلاح لك ولاولادك

هذا الكلام
حنا ما نعرف وش نوع مشاكله مع زوجته ؟!
يمكن هو الغلطان
المرءة كانت صريحه جداً معه
وهذي تحسب لصالحها

تعطيه ضمانات هذا من حقه
لكن انت قلتي تعطيه اولادها !!!
من ضمن الحلول اللي قلتي
روح لا تخلين مشاكل الحياة تقسي قلبك
عيالها مت تفرط فيهم لو وش ما صار

أخوي أحبها ... كنت من مُتابعين موضوعك من بدايته
وسبحان الله جيت على بالي الشهر الماضي

أتذكر أنك حاولت معها ترجع عشرات وعشرات المرات ومافيه طريقه الا وجربتها
وكانت ترفض اتصالاتك ومقابلتك حتى الواسطات بينكم ، حتى السبب الحقيقي لطلبها الطلاق ما عرفته !!

الانفصال ومحاولاتك أثرت في نفسيتك جدا .. لكنك بكل بساطة كنت تحبها !

بصراحة من قراءتي للجديد .. ولو إني كنت أتمنى أنها أحسست بخطأها وعرفت قدرك !!

لكن للأسف فكلامها ونيتها أوضح من الشمس وهي عكس ذلك تماماً ..

مُلخص كلامها : 1/ أبوها راح يخليها تترك العمل. 2/ و راح يخليها تترك دراستها !!

وللأسف تشوف أنك المخلص الوحيد لها... فبمجرد ما تأخذ حاجتها منك تعيد نفس الكره مره أخرى .

ومسألة أنك تستأجر لها بمدينة أهلها عشان تخلصها منهم .. وأهلها موجودين بنفس المدينة وأنت تجيهم مره كل أسبوع !! غـــلط !!! حتى هذا الحل جاء منها ==> تعتقد أنها بمجرد قبولها أنها ترجع لك راح تفرض عليك نظامها ... "وأخشى أنك تُضعن وتفعل لها ما تريد"

وحتى لو حاولت معرفة سبب طلبها للطلاق .. في الحقيقة لايوجد هناك سبب .. ستخترع لك واحد سبب مقنع !!

وإذا هي صادقة ونيتها مخلصة .. تنتقل معاك لمدينك وتأجل دراستها وبالنسبة للعمل فهي أشتغلت عند أهلها قبل تطلقها وبدون أذنك ==> حتى أتذكر أنك تفأجت من حركتها !
أو
تجلس ببيت أبوها حتى تنتهي من دراستها ... ومشاكلها مع أبوها لست بمسؤول عنها .. وهذا لا يعني أنك غير مهتم برجعتها لكن ليس بهذا النظام !! ولا ترخص من عمرك أنت رجل ولك احتياجات .

وأنا أخوك خليك حذر .. وفكر المرة ذي بعقلك وخلي مشاعرك خارج الحسبة .. وبالرغم الموضوع باين وواضح ... لآني لازِلت أتذكر معاناتك معها !!

موفق أخوي ..

__________________
***من لا يقبل النقد لايستحق المدح ***