ام يوسف و سما

انا لو أكل و أنام و ما أفكر بشي
أتوقع بسهولة ممكن أزيد ..

حاليا احاول أغير كل شي في نفسي ..
توقفت عن التفكير ..
احاول أنام كثير .. اول ما كنت اقدر عشان كانوا الأولاد صغار و مافي شغالة
الأكل .. باتعلم منكم ايش أكل ؟ ومتى و كيف هههه

لآني كنت أكل عشان أعيش و بس

و راح أراعي الأكلات الي كتبتيها انها تكون من ضمن القائمة .. ^_^

بجد اكلاتي بس كانت أشياء لتسكيت الجوع

.
.

مثلا اليوم بعد ما أكلت الايسكريم بالمغرب
ما كملت نصها عشان انشغلت مع ولدي و حطيتها بالفريزر

المهم صحبتي زارتني زيارة سريعة

شربت عصير برتقال معاها و نص كاستي؛ ولدي شربها
و شربت قهوة عربي و أكلت كم حبة تمر سكري
و بعدين اشتهيت بيبسي بارد

و خلاص نسيت أتعشى
دحين الي افتكرت اتعشى لكن مو مشتهية شي
لآني ما احب أكل في الليل

و حتى القيلولة ما نمتها عشان صحبتي دقت علي
و قالت تجي تعدي علي تجلس معايا

و انشغلت مع الأولاد و طلباتهم و حممتهم بعد ما راحت
و احاول انيمهم بعدين أسهر ارتب الغرفة و ملابسهم

و بكرة ناوية أصوم صيام قضاء عشان لما كنت حامل و فطرت رمضان الي فات