اختي فاطمه انصحج نصيحه لوجه الله
انا ماخذه معدد وانا الثانيه والاصغر
لكن في شي اسمه تجديد حب
المراه بطبيعتها تختلف عن الرجال عندها لو حبت خلاص هذا الاول والاخير والرجال لا
يحب بس يحب التجديد
شوفي اختي انا ماشرطت هو عارف شروطي انا شرطي كان يا فلان ان شفت كلمه من اي شخص واذتني الكلمه رجعني بيت اهلي لان انا مالي عيشه بمكان كله مشاكل انا وحده مو راعيه مشاكل
قبل الزواج كان يرسلي مصرف حلو بعد الزواج قلل هالمصرف عادي ماهمني انا عنده وكل ما احتجت شي اقوله
قسم الوقت وقالي يوم عندج يوم عندها رفضت قلت له نص نهار يمي ونص يمها حتى ما احس بعدم وجودك
عجبته الفكره
قال تجي تسلم مرتي عليكي واذا ماتبي تجلس في بيتها قلت له لا عيب هي الكبيره وانا اللي اصعد اسلم لا ومعاي هديه
شوفي اقولج للامانه انا قلت الكلمه حتى اكبر بعينه لكن بين وبين نفسي اقول تخسي
لكن من تزوجت صرت بديره غير ديرتي وبعيده عن اهلي قلت يابنت خليج ذكيه وجاملي الكل وخلي ابتسامتج ماتفارقج
وعياله عيالج وعصريتي عند عياله يجون عندي لان ان اشتغلت الغيره حرقت البيت بما فيه
لكن ان بلعت الغيره وجيت على نفسي كل يوم اكبر بعينه
عاد زوجي طيب ومسكين وعلى نياته وكل ماشاف مني تصرف حلو يقول بنت اصول
يعني الملخص خليج ذكيه وشيلي مساله الغيره
ولا ليش خذاني وشنو جاب لها والله يوم خطبني قال ماعلي منها ويوم تزوجت الا عليه وطلعات وروحات وجيات
انتي عليج من نفسج اعتبري انج متزوجه واحد عند زامات يوم عندج يوم بدوامه
انا مارسل له مسج يوم يكون عندها مع اني قبل هاريتنه مسجاااات بس احترم مشاعر غيري اللي ما ارضاه على نفسي مابرضاه على بنت الناس وشوفي بنته صغيره واتغصص من وجودها اغار منها اكثر من ما اغار من امها بس ما ابين ابلع الغيره وابلع البنيه والاعبها واسوي لها كيك وحلويات بس عشان اعود نفسي اني ابلعهم

ومشينا الامور وصارت الامور عاديه صيري حكيمه وبنت اصول بتعاملج
بس هذي نصيحتي
والله يوفقج يارب