لا طبعا مو عادي !! صاحيه انتي تحملي وانتي ثلاثين خلاص عجوز رجلك والقبر خخخخخخخخ

ضحكتيني الله يسعدك حسستيني انه الي عمرها ثلاثين اسنانها طايحه ومحروله وراسها ابيض

الثلاثين احسن عمر بالانجاب تكوني واعيه تماما وشبعتي من الفراره وقراراتك حكيمه وتنظيمك لوقتك حيكون ممتاز وان شاء الله كمان جسمك بعز قوته وشبابه لا تنسي عمر اهل الجنه 35 لانه عز الشباب وكمان الحكمه

اول ماقريت سؤالك كنت حكتبلك عندك امك تمسكلك البيبي وتكون بصحه وعافيه؟ بس انتي سبقتيني وقلتي انه مالك احد ..

اذا نمسك الحلول الوسط او انصاف الحلول زي ما يقولو
انتي الان 25 سنه تخلصي الماجستير ان شاء الله وعمرك 28 سنه اخر ترم احملي باذن الله ما تتخرجي الا والبيبي في حضنك
اذا فيه اترام صيفيه او مجال تاخذي ساعات زياده خذي يعني اي فرصه تشوفيها ممكن تختصرلك المشوار خذيها او تخففلك ساعات اخر ترم لانه يمكن تكوني حامل بالترم الاخير اذا الله ارادلك..

وبعدين الفرق سنتين ما يفرق كثير مستقبلا لما البيبي ينولد 2016 بدل 2014 يعني اقصد كلها سنتين ان شاء الله ما تزيد مش 10 سنين

وما شاء الله باين انك واعيه يعجبوني الناس اللي ترتب وتخطط مو ماشيين كذا بالبركه بعدين يجو يولولو ساعدونا الحقونا ..


الله يوفقك

__________________