انا ايام ملكتي قالها لي

انا زعلت ولا عاد رديت عليه ابوي شافني زعلانه مره بالصاله وسالني خطيبك زعلك ؟

قلت له ايه يجيب سيرة انه بيتزوج من باب مزح بس ماهو وقت هالمزح

ابوي قالي شي وحطيته براسي .... شكرآ والدي ان اعلمتني اين حقي ...
قال ..
انا تزوجت 2 بس ندمان لاني جرحت امك اغلى شي ملكته وكانت احن من امي علي

ثاني شي فيه يابنتي عادات وتقاليد اتفقوا عليها اجدادنا من مية سنة تخص الزوجه لانها طالعه من بيت ابوها واهلها
فطبيعي يرتبطون بعلاقة نسب الي هي اقوى العلاقات التي تربط الناس لهم حقوق وواجبات

قال .. الزوجه من حق زوجها عليها انه مايمازحها بسيرة يتزوج عليه وكانها شاه يسن السكين عليها لانها انثى ضعيفه حيلتها دمعتها يعاب الرجال لذلك وان اراد يتزوج من حقها يفاتحها بطريقة اقرب للود

بس يمازحها ويحرق قلبها هذا ممنوع بين الرجال عيال الحمايل لانه نسونجي الي يسوي كذا
ومن حقها مايجيب سيرة اهلها بالشينه
ومن حقها مايخليها خدامه للناس ويهلكها بالضيوف
ومن حقها مصروفها
والنسب شي يوصى فيه كل رجال والنسب مايتقوى الا اذا احسن الزوج معاملة الزوجه مايهينها ولا يحرق قلبها بسيرة الحريم
ولا يجيب سيرة اهلها بالشينه وكمل الحديث

قالي يابنتي خطيب يتكلم زي كذا مايعجبني تبيني اكلمه كلمته قلت لا انا مطنشته وان رجعنا بعلمه بكلامك
كلمني واعتذر وعلمتة بكلام والدي

........
عزيزتي انا اشوف توضحين لزوجك ماله حق يجيب سيرة الحريم عالطالعه والنازله ولازم تبينين له انك انسانه لك مشاعر مو جدار