هلابك اختي
اختي انا سبق وطلقتها بس اسبوع ورجعتها
ممكن يكون هذاالسبب؟
مدري بس كنت معذور وقتها او اعتقد اني معذور
بس قبل اقولكم قصة طلاقها ابي اقولكم شي بشخصيتها غريب عجيب
عندها تحليلات للمواضيع غريبه والمشكله انها تتعامل مع تحليلاتها على انها واقع وكانها شافته بعيونها وهو خطأ لكن لايمكن تشك ان توقعها خطأ حتى لدرجة انها تقسم بالله انه صح
بعدين كل شي له معنى عندها حتى الحلم
مثلا حلمت باي شي تحاول تفسره على كيفها وتمشي على هالاساس!!
اقولكم قصة طلاقنا كان عندي دوره لمدة اسبوع وعشان اننا ساكنين بمدينه غير مدينتنا خليتها تتصل على اخوها ويجي عندها هالاسبوع
المهم رحت لما رجعت رجعت دخلت البيت وسلمت سألتني سؤال غريب فتحت فمي دقيقه من السؤال وجراءة السؤال قالت لي هاه شبعت بنات!!
قلت ايش عشان اتأكد ان اللي سمعته صحيح
فـ عادة نفس الكلام علي
المهم الكلمة هذي اوجعتني بصراحه هذي كلمه تنقال لزوجك اللي توه جاي من سفر بدال قولت الحمدلله على السلامه
المهم مارديت ودخلت غيرت ملابسي وابي انام او بالاصح اتظاهر اني ابي انام وانا كلمتها تاكل وتشرب بصدري بس عشان مايتطور الموضوع حاولت اتظاهر اني تعبان وابي انام لاني حسيت ان اعصابي بدت تفلت
لحقتني للغرفه ونفس الكلام تعيده فقلت لها وش تقولين انتي قالت اقسم بالله انك نمت مع بنت البارح قلت اعوذبالله وتقسمين بعد وتعيد القسم مره ثانيه قلت لها طيب ايش اللي خلاك متاكده لدرجة تحلفين قالت لاني طلعت السوق البارح وفيه واحد حاول يتحرش بي فـ عرفت انك جالس تزني !!!!!!!!!!!
انا بهت بصراحه يعني كل وحده يجي حقير يقولها كلمه بالشارع يكون وقتها زوجها نايم مع وحده!!
وانا اقسم بالله اني مظلوم المهم قلت لها تعوذي من ابليس وتغطيت وتسحب البطانيه تقول طلقني انا ماني مصدق يعني فيه كذا المهم كلمه مني وكلمه منها طلقتها وبعد اسبوع توسطوا اهلها ورجعتها ورجعت اخس من اول
اما عن الانتقاد اذا كان الخطأ مو لازم يعدي انتقد نعم

متى صار هذا الطلاق ؟؟

يمكن تكون زوجتك تغار من طبيعة عملك ووسوس لها الشيطان ... يعني مو موضوع أنه أحد تحرش فيها وبس .. يمكن في تراكمات بداخلها من هذي الناحية (الغيرة)

__________________

تغيرت هي بعد مارجعتها على طول
هل ممكن هو السبب ؟

نعم ممكن جدا يكون السبب ..

زوجتك ببالها حاجة ... في موضوع مأرقها ..

أنت جرب مثل ما قلت لك وخلي هالمرة جلستك معاها مختصة بالأمور الرومانسية ... عتاب حبيب لحبيبته .. مو زوج ولا أب .
يمكن تكونت عندها قناعة بأنك ما عدت تحبها . ورغبتك بممارسة علاقتكم الخاصة ترى مو دليل حب عند المرأة نهائيا ... عكس الرجل .
فحاول خلال جلستك معها تقنعها بأنك تحبها وبأنك ما تشوف غيرها ... وخليك مستمع جيد ..انصت لها واعطيها مجال تتكلم حتى لو احتجت أنه يكون في لحظات صمت بانتظارها تتكلم ...
بالبداية ممكن أنها تستنكر وتكذب مشاعرك لها ... لا تتضايق وتزعل منها ... استنكارها هذا دليل على حبها لك وعلى أنها محتاجة منك تأكد لها .

جرب وارجع قول لنا النتيجة حتى نفهم أكثر

__________________

ان شاءالله راح اجرب بكره يكون ليلة عطله اجرب واشوف وان شاءالله انها تقول كل شي

اعمل بنصيحة الخالة كلام موزون مع الاب ابو حكيم ،،، الله يعينك ويصبرك ويقويك ويصلح امورك مع زوجتك ويسخركم لبعض وترجعوون افضل من اول ان شاء الله ... بعض الاحيان تحس المرأة بان معاها حق ورغم هالشي ع اساس انها كشفتك ( بظنها طبعا ) وكان ردة فعلك او نتيجة فعلك بدل الاعتذار هو التطنيش وبعدها الطلاق ( هذا من منظورها ) طبعا كل هذا بسبب خطأ التواصل من الطرفين وكان الطلاق وعدم قصد هالشي نتيجته تغيرها وايضا تغيرك ،، فكان سلاحها كرد اعتبار لها هو الجفاء وتحسسيك بانك ما تحمل ثقل يذكر بحياتها وقلبها في سبيل للحصول على اعتذار يذكر ... هل جربت تقولها آسف بعد اللي حصل ؟ مجرد هالكلمة ... زوجتك غيرتها كبيرة فليش ما تستغلها لمصلحتك وتقلبها كامر ايجابي ؟ ،،،

مهرة حبيبتي
نعطي اسوأ الاحتمالات
فرضا اهي مريضة بالشك رغم اني اشك بهالشي واجزم ان في اسباب وتراكمات خلتها تقول هالكلام
واهي قبل هالموقف من احسن ما يكون
يطلقها !!!!!
معقولة الطلاق بهالسهولة
.....
لو مرأة بذمتك اشكثر بتتحمل لو زوجها مريض بالشك
حتى لو اغلب صفاته زفت
.....
الطلاق مب سهل
والي جربته اهي اللي تعرف شكثر يكسر المراة
....
الحل مو بالطلاق
الشرع وضح خطوات حل المشاكل الزوجية الثلاث قبل الطلاق

__________________

هذه واقعة الطلاق.

__________________


اللهم طِيبَ الأثر .. وحُسْنَ الرحيل.