اختي الكريمة
انا قبل الورقه والقلم تكلمت معها بمنتهى الهدوء وبينت لها ان العلاقه الزوجيه مو بس حقوق وواجبات وقلت لها ممكن اعطيك حقك ولكن يكون ماله طعم
المهم كلام كثير وبعدين جبت الورقه والقلم

اما عن قولتك اني عصبت لما طلبت مني البيت
لاني لا انا ولا اي انسان يتوقع ان طلبها راح يكون هذا خاصه وحنا جالسين نتفاهم على امور حياتنا المعنويه والعاطفيه مو معقول تربط رجوعها بمثل هذاالطلب اللي اكيد راح ارفضه

حلو ...أنت تكلمت .. وهي شو جاوبت ؟؟؟ ما قالت ولا كلمة لما كنت تكلمها بهدوء ؟
أخي ضروري تنقل لنا كلامها عنك ورأيها حتى نفهم اللي براسها

وأرجو ان تشرح لي أكثر عن قصة طلاقكم .. كيف كان موقفها أسبوع طلاقكم وكيف رجعت ؟

__________________

بالعكس كانت تتكلم وتقاطعني وتحاول تطلع عن الموضوع
يعني مثلا قالت خواتك مايبوني كذا بدون مقدمات ولاجبنا سيرة خواتي اصلا وجلست تتكلم فـ حسيت انها راح تتجاوز وقطعتها وطلبت اننا نركز في الموضوع لان خواتي كل وحده ببيتها ماهن ساكنات عندنا وطبعا كلامي كان لها بهدوء بدون انفعال وبعدين برضو بدون مقدمات قالت لي اصلا لو يرجع الزمن ماكان تزوجتك انا استعجلت قلت ليه قالت لان صارت مشاكل قبل الزواج واعتقد انه كانت رساله لكن ماانتبهت لها هذا كلامها وتقصد بالمشاكل اللي قبل الزواج
هي اني لما تقدمت لها وافقوا وبعدين جتهم عجوز من جمعتنا وقالت لهم مايجوز هالزواج لان خالتها راضعه مع فلان وتقصدني المهم شغله طويله بخصوص الرضاعه ومن هالسوالف واتضح انه فعلا فيه رضاعه لكن رضعه وحده فـ الشيخ قال لا هذي ماتحرم المهم لما راح السبب اللي يمنع اتصل علي اخوها وقالي بكره تعال بعد المغرب عشان نملك وفعلا جيت وحصل الزواج.

المهم بخصوص كلامها هي مثل ماقلت لك تحاول تشتت المواضيع بكلمه من هنا وهناك الين قدرت اني اخليها تركز على موضوعنا الحالي وبس ووضعنا الحالي وجلست اتكلم وهي تسمع الين جبت الورقه والقلم


اما عن طلاقنا انا ذكرت القصه لكم
ووضعها انه جا اخوها من بكره وقال ابي اخذها لفندق قلت له لا تطلعها من بيتها انا اطلع لفندق وهي خله انا رجال ادبر نفسي واصر انه ياخذها ويوديها فندق واخذها وحطها بفندق ودفع الفلوس وجاب لها اغراض وسافر للمنطقه اللي يعمل فيها
ومن نفس الليله اخوانها يتصلون لمحاولة الاصلاح المهم قالوا الاسبوع الجاي حنا ضيوفك قلت حياكم الله
وفعلا جو بعد اسبوع وقالوا فلانه تبي ترجع وندري انها غلطانه وحنا غلطناها ومن هالكلام ونبيك ترجعون لبعض المهم قالوا كلام كثير ماني ذاكر بالضبط ايش قالوا
قلت اوك قال اخوها الكبير ابي منك طلب وحنا ضيوفك قلت ابشر قال انك تروح معنا الحين للفندق وتجلسون وتتفاهمون وفعلا رحت معهم ولما دخلت لقيتها كاتبه ورقه طويله عريضه بطلبات عشان ترجع قالت انا عشان ارجع عندي شروط فـ على طول قمت انا ابي اطلع قلت غلطانه وتتشرط بعد
المهم هدو الوضع اخوانها وقالوا اسمعها قلت قولي المهم صارت تقول شروطها والله يااخوان ثلاث ارباع شروطها ماديه يعني مثلا تعطيني مصروف شهريا وتعطيني مصروف لعيالي شهريا وطبعا محدده المبالغ وابي سواق وشغاله
وبالنسبه للشغالات كنت اجيب شغاله تجلس كم شهر وتجيني وتقول ماابيها سفرها وتعرفون وضع التقديم انتم وشلون مايحتاج اشرح لكم مابقى جنسيه الا جبتها كم شهر وتقول ماابيها
المهم نرجع للموضوع فـ رفضت بالاول واخوانها خاصه اخوها الكبير رجال رزين وتكلم معي ووافقت على الشروط ورجعت
هذي قصة الطلاق والرجعه

سؤال اخي الوحيد :
قبل الطلاق :
زوجتك كانت موظفة ؟
زوجتك كيف كانت متتطلباتها *قبل حادثة الطلاق*؟
هل هناك شروط مادية غير المصروف والشغالة والسواق؟؟؟

__________________

نعم اختي كانت موظفه
كانت عاديه
ماني متذكر والله اذا فيه شروط ماديه ثانيه والا لا
لان الموضوع قديم