زوجك هذا طبعه ، يعني لازم تتقبلينه بوضعه هذا ..

بعض الناس نفس زوجك بالضبط هذا وضعهم والتعامل معهم متعب شوي ، لكن في نفس الوقت مساكيييين وينشفق عليهم ، لا يغرك انه يطنش واذا زعل ياخذ فتره مبتعد ، تراه مسكين يفكر انه جالس يسوي الشي الصحيح ، وعلى فكره ترا هالنوعيه سهل ينضحك عليه ..

يعني انتي الان عندك امور لابد تحطينها في بالك أﻻ وهي :
1- زوجك لازم تتقبلينه كما هو.(يعني لا تتصورين يوم من الأيام انه بيتعدل حاله وإنما هذا طبع فيه وتأكدي أن الطبايع ما تزول)
2- استخدمي أساليب متعدده في التعامل معه لكي يكون كما تريدين واجتهدي حتى تعرفي كيف تتعاملي معه.(قد يكون استخدام المديح معه يجدي ، وايضا قد يكون استخدام الشدة معه تنفع وبقوه ،وقد يكون الجمع بينهما مجدي أيضا ، فهذا عليك انتي)
3- اعتقد انه بحاجه لتعززي ثقته بنفسه.(لانه فيما يبدو فاقد الثقه بنفسه)
4- لا تنصدمي يوم من الايام من ردة فعله لأي كلام أو موقف يصدر منك.(بمعنى انه ممكن يوم من الايام تمدحيه ويفسر مدحك غلط ويقلب عليك)


أخيرا ، ترا حياتك معه تعتمد عليك انتي في المقام الاول ، يعني جربي معه كل الطرق لين تعرفين له ، وبعدها بترتاحين

__________________
لا تسقني ماءَ الحياةَ بذلةٍ .. بل فاسقني بالعز كأسَ الحنظلِ
مـــاءُ الحيــاةِ بذلةٍ كجهنمٍ .. وجهنـــمٌ بالعـــز أطيــب منــزلِ