اختي الله يوفقك انتي لازم تصبرين علشان النتائج تكون في صالحك ..

سوف ألخص كلامي :

1- هو ما راح يصبر على الاطفال ولا حتى اهله ولو استمر شهر او شهرين مصيره يجي يدورك علشان الاطفال.
2- تعود انه في كل مره تكلمونه يجي تتناقشون في مشاكلكم ويحلها ابوك وهو يكبر راسك لانه انتو اللي طلب الصلح ، ويعرف انك ما راح تصبري عن اطفالك.
3- لابد تصبري شهر شهرين ثلاثه لحد ما يبدا هو بالموضوع واقطعي التواصل معه واذا حاول يتواصل قولي له عندي اهل تعال كلمهم ولا تفكرين انه مو مهتم بالموضوع ، صدقيني مهتم ومشغول باله بس جالس يكابر.
4- لازم تنظرين لحياتك معه انها نكد وخيانات وألفاظ بذيئه وعدم احترام ، وهذي أمور ممكن تتحملينها الان ومستقبلا يمكن ما تقدرين.
5- اذا طلب الصلح ان شاء الله اطلبي حكم من اهلك وحكم من اهله يحكمون بينكم كما في ديننا لكي تاخذين حقك.
6- ممكن تبينين المشاكل اللي بينكم واما الخيانه فخليها بينك وبينه أثناء الصلح وبلغيه انك سترتي عليه والا باستطاعتك تتكلمين وخذي منه عهد ما يكررها اما باقي الامور فعادي لو عرضتيها.
7- بالنسبه للشروط اذا بتشترطين فلكل حادث حديث وهو اذا جاك يطلب الصلح تعالي ونقول لك مع ان الشروط لابد ان تكون مكتوبه وفيها التزام منه بجميع حقوقك ولا مانع تاخذي منه رضوه بحدود المعقول وعلشان يتأدب ويعرف انه اذا طردك من البيت انه راح يخسر.


هذي زبدة كلامي اللي امس ، وتذكري اختي ان حقك لابد ما تتنازلين عنه وعودي نفسك على كذا علشان تعيشين عيشه طيبه، وعليك بالدعاء والاستغفار.

__________________
لا تسقني ماءَ الحياةَ بذلةٍ .. بل فاسقني بالعز كأسَ الحنظلِ
مـــاءُ الحيــاةِ بذلةٍ كجهنمٍ .. وجهنـــمٌ بالعـــز أطيــب منــزلِ