المشاركة الأصلية كتبت بواسطة راشد47

السلام عليكم
اخواني واخواتي انا قريت رودودكم زوجتي ليست مصابة بآي مرض من الآمراض المذكورة وذلك عن طريق استشارة اخصائين وحللوا حالتها وكلهم تقريبا نفس الكلام ونفس الحلول

وآخر مناقشة حصلت بيني وبينها استغربت انها قالتلي المفروض ماتقول لآمي هذي اشياااء تخصني انا
انا مااحبها ! قلت لها هذي امك شلون ماتحبيها قالت مو قصدي اكرها او شي بس لا احبها ولا اكرها
سآلتها وآبوك ؟ قالت لا ابوي اكرهه كره العمى , قلت لها طيب ليش ؟؟ قالت خلاص انت مالك دخل هذي اشياء تخصني انا في بيت اهلي , انا مااحب الآسرار اللي هناك افتحها هنا والعكس صحيح قلت لها ماشاءالله عليك وبديت امدح فيها وطالعتني بنظرات استغراب قلت لها لاتستغربي هذا شي كل الرجال يتمنونه وهذا دليل على حكمة هي سكتت ماردت
سآلتها عن اخوانها قالتلي مااحبهم ولا اكرههم !!!!!
قلت لها ماراح يطلع شي لهم اذا انعدلتي وياي انا شاريك ووووووووووووووووو كلام كثير قالتلي طيب يصير خير عن اذنك ورآحت تشغل نفسها كالعادة !!!!

وفيه عندها صندوق تقريبا للآشياء الخاصة لقيت فيه عطر ولقيت فيه اوراق فيها خواطر عن الاجبار وآشعار حب والمفاجآة والشي اللي ماكنت اتخيله لقيت عندها صورتين لواحد مادري مين هو لآنه مو واحد من اخوانها او عيال عمها او خالها لا شخص غريب اول مره اشوفه !!

وبصرآحة شكيت فيها وفتشت جوالها مالقيت فيه شي صور او رسايل او مكالمات
حتى الفواتير لما تجيني مااشوف رقم غريب نهائيا

حتى الاب توب الخاص فيها مافيه شي ولا عندي علم انها طول عليه لا بالعكس احسها شخص طبيعي

بس مادري ذآ منو !! وواضح انه شاب فوق ال 25 مو صغير