عاشقة القهوة

الله يسعدك.. مشاركتك أثرت موضوعي

والله أتمنى انه يتغير للأفضل مع الوقت.. أنا أحيانا أجيه بالنصح واللين وأحيانا بالزعل

والله اني أحاول ما أنكد على نفسي وانبسط وأخليه هو كمان ينبسط بس أحيانا تجيني أفكار ما أدري هي صح وللا غلط: اني جالسه أضحك على نفسي وأقول اني تكيفت مع الوضع والحقيقة هي اني استسلمت والوضع مزري ومو قادره أغيره

أنا مقهوره من جلسته برى البيت بالساعات وارتباطه بمواعيد مع أصحابه بدون مايرجع لي ويشوف إذا أبي أروح مكان.. يعني معطي الأولوية في حياته لأصحابه وأنا كذا ع الهامش.. أنا مقهورة كمان من لما يطلع معي أحسه جسد بدون روح لا ضحك ولا سواليف وكأنه قاعد على أعصابه ولما يدقون عليه أصحابه يقولهم أنا مع أهلي نص ساعة كذا وأجيكم <<< على كيفك انت تحدد نص ساعة يمكن أبي أجلس أكثر !!!

والله في القلب كلام كثير بس الله المستعان

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا