عاشقة
لا أفكر بطريقة مبالغ فيها , فكرتي في الموضوع إني أرغب أن أنسى الموضوع أكثر , أشعر أن هذا سيزيد سعادتي ..

لا ا آية ,, مش كذا , ولا يرضى رب العالمين هذا اليأس ,
ليش يا آية ..
أين ثقتك بالله ؟
الي يرزقك بنعم كثيرة , أهل ليعطيك أكثر وأكثر ..
( تذكري أنا عند ظن عبدي بي ) ..
عبير ...
قصتك تشبهني ,,

جاردينيا
بحمدالله الله يثبتني الدعاء صديقي وصلاة الليل كذلك ...

مسآ النور .. تؤمنين بالله اني رحت سويت لي كوب شاهي عشان أروق و أجاوبك بكل اللي عندي ؟ : d

سؤالك شغل لي بالي !
رجعني لتفكيري عن نفسي و حياتي قبل

بداية انا عمري 24 بدا هاجس تفكيري بالزواج من كان عمري 17
و أحمد الله مليون مره اني ما تزوجت بهذاك العمر ، لأنه تفكيري كان سطحي و تافه
و ما فيه حتى أي احلام وردية مثل البنات اللي بعمري !

كنت ابغى اتزوج لاني احس الزواج انجاز
و طبعا الانجازات كلما صارت بسرعه و بعمر صغير ( تصير احلى و أصير محط عيون الناس اكثر )

ف كنت ابغى الزواج فقط عشان هالهدف
( اني تزوجت و انا صغيره و سويت شي محد سواه قبلي الا قليل و أصير محط أنظار )
+ كان عندي هاجس خوف من العنوسة ف كنت آبغى أكسر هالحاجز بالزواج فقط
يعني عشان ما اوصل لمسمى عانس بالمستقبل !

مع انه على فكرة مجتمعي اللي حولي ماكان منتشر فيه فكرة الخوف من العنوسة !

ف اذا ممكن اعرف بالتفصيل
ايش اهدافك بالزواج ( بدون مثاليه ) يعني تكلمي عن نفسك و أفكارك الداخليه
عشان نمسك اول خيط للعلاج ؟
يعني ليش تبغين الزواج ليش تفكرين فيه ؟ ايش تحسسين بيحقق لك من اشياء ناقصتك حالياً ؟ ايش بيضيف لك ؟ هل تتقبلين فكرة انه تمر 5 سنوات قدام و ما تزوجتي ؟ طيب لو صار عمرك 40 و ما تزوجتي عادي ؟

+ الشي الثاني :
انا كنت مثلك تماماً .. و كان هو هاجسي
الين تغيرت قبل سنتين و صار الموضوع بالنسبه لي عادي جداً !

و حابة أسحبك لدائرتي لأني مقتنعة ان تفكيري ما تغير الا للإيجابية أكثر
مو للسلبيه أو لأني متعقده ( تطمني من هالناحية )
انا فقط صرت متصالحه مع فكرة الزواج من عدمه وما صار عدمه يرعبني

ارحب فيك .. شرايك نسويها حلقة نقاشية نوصل فيها لحل ؟

^
تصدقين بنت الكرام " يشهد الله " جزء كبير " ليس كله " من مشاركتك بموضوع آخر ،
و مشاركتك هذي " جزء منها و ليس كلها " يحكي عني سبحان الله ! و لي نفس المرحلة العمرية بالضبط و نمط تفكيرك فيها
و الحقائق اللي توصلتِ لها ، وفعلاً حمدت الله إني رفضت ركزت على دراستي وما أقدمت على الخطوة ذيك بتلك السن رغم أنها كانت متوفرة
كما أحسب ،و ربما كذلك تزامنا مع جهادي لثقافة الأهل اللي هي لظروف زمان و أقليم جد مختلف عنا ،
فقدت بعض الثقة - وكنت متعبة نفسيا بعض الشيء -
من جوانب معينة فيهم ما أنكر هالشيء بس أبداً ما كرهتهم و لا ضغينة لأني أعرف أنه عن حب بس عن جهل ،
و الآن تطور تفكيرهم جداً و تقبلوا الحقيقة و المنطق و العقلانية بالنسبة لي و لأختي الحمدلله .

ابعدي هالشغلات من راسك وبحول الله راح تنسين طالما متوفرلك استقرار نفسي ومادي ومساحة حرية
1الفراغ خليك على طول مشغولة بعمل اودراسة أوهواية.
2يقينك بالله تماما وهذا موسهل انه لن يصيبك إلا ماكتب الله لك وثقي تماما ان الزواج جاي جاي وموشرط العمر يعدي كل شي تحبين تسوينه سويتيه مانتظرتي زوج يحققها واذا عالإنجاب فكري مولازم اربعة اوخمسة رزقك واحد يكفي خير وبركة وممكن مافي اولاد عادي راح نموت ومابناخذ احد معانا لذلك عيشي كل لحظة واستمتعي فيها.
3 اخر شغلة خذيلك لفة على اقدار الناس حولك وعلى بعض الشرور الي صرفها ربي عنك حتى تستشعرين قيمة الأشياء والنعم الجميلة وراح تحسين ان الزواج حاجة واحدة من حاجات كثيرة تحتاجينها ..واعرفي زين ان الزواج احيانا نعمة واحيانا نقمة وكذلك التأخر بالزواج.. هذا الي عندنا الباقي يعتمد على عملك انتي على نفسيتك وعقلك الباطن. وربي يوفقك ويرزقك الزوج الصالح الي يسعدك.

__________________
((رب اجعلني مباركا حيثما كنت.))

تصدقين إني ما أحسست بسلام داخلي إلا بعد ما قررت أشيل الفكرة من رأسي !!!
الحمد لله هم كبير انزاح عن صدري ...
أيام وسنوات وأنا انتظر حلم من سراب ...
بعد ما صارت لي غرفة لحالي قلت ما راح أجدد شي فيها لأني راح أعمل اللي بخاطري ببيتي ومملكتي الخاصة ..
ولكن ... خلاص ، حلمي وتبخر وما راح أضيع سنوات ثانية أفكر بشي ما راح يصير ...

وبعدين ترى فكرة دار العجزة ما تخوف ... كلها أيام معدودة وتنقضي
أنا مو متشائمة .. على العكس صرت أناظر كل شي بواقعية أما الأحلام ....!!!!!!

ما عادت تنفعني ..

خليني احكي لك تجربتي .. انا كنت وحده مابراسي زواج ابدا كل همي شعر وادب ودراستي وانخطبت من الثانوي وكنت ارفض واستمر الرفض مني ومن اهلي من غير ما احس برغبه بالزواج بالعكس كنت متهيبه من الفكره واحسها مخاطره الارتباط بالنسبة لي كان مجازفه .. كيف ارتبط بشخص ما اعرف تفكيره ومع كثرة الحكايات اللي نسمعها اعزف عن الزواج اكثر واكثر .. حتى تخرجت من الجامعة وبدأت اسئلة الحريم السخيفه وبالذات ان اختي اللي اصغر مني تزوجت وصرت اتعرض لمضايقات بكل جلسة وتلميحات انه انتي فاضيه لا زوج ولا ولد يشغلك .. طبعا هذا الكلام بكل وقت يتوجه لي خاصة اذا عرفوا اني دخلت اختبار القبول للماجستير تبدأ كل وحده تقلل من طموحي وانه اصلا ناتج عن الفضاوة .. بعدها بدأ يشغل بالي الزواج لان اجتماعيا مو مقبول انك تكونين من غير زوج .. وصار بعدها هاااااجس بالنسبه لي ما يروح من بالي وربي زي شريط الاخبار يدور يدور يدور لاني تعبت من نظرة الناس وجلست على هذي الحالة سنتين ودخلت حالة اكتئاب مع ان هالفترة كان فيه خطاب بس مو مناسبين لي يعني - مطلق ..مريض بمرض وراثي .. كبير - وكنت ارفض وادعي وابتهل بالدعاء واتحين فرصة السفر وادعي بالطريق وادعي بالحرم وبأوقات المطر تقدرين تقولين ما كنت ادعي الااني اتزوج .. لحد ما تعبت واستنفذت طاقتي وبيوم جلست جلسة مع نفسي وحاولت اطلع المشاعر السلبيه واقنعت نفسي ان لو الله كاتب لي الزواج اتزوج ولو مو كاتبه مستحيل اتزوج لو كل رجال العالم خطبوني ووصلت لحالة سلام مع نفسي .. وربي ارتحت مرررره ورجعت زي اول منطلقه وحيويه والحين انا مملكه بس ماصار هاجسي الزواج صار هاجسي كيف افهمه واشتكي من بروده واهماله هههههه يعني الدنيا مطبوعه على الهم ان ما تزوجتي بغيتي الزواج واذا تزوجتي انغميتي من زوجك وبعدها تهتمين بالحمل واذا حملتي شلتي هم الولادة والتربيه ....


ادري طولت عليك بس المختصر المفيد اقنعي نفسك ان نصيبك بتاخذينه سوا انتظرتيه او لا واشغلي نفسك ولا تسمحين لاحد يحطمك .. الله يوفقك بكل امور حياتك ويرزقك الزوج الصالح

آيه ما ابي اقول لك ليه التشائم ولا ابي اعطيك موعظه اكيد انتي حافظتها بس بقول لك شي من واقع تجربه انا وصلت لمرحلة اني قلت مستحيل اتزوج ودائما اتخيل نفسي بعمر الجدات بس مو متزوجه والحين انا ملكت صحيح عمري كبير بس الحمد لله على كل حال .. لكن وربي ما حسيت بفرحة لا بالملكة ولا بالدبله ..الشاهد من كلامي السعادة مو بالزواج .. ليه ما ندعي ربي انه يريح خواطرنا ويسعدنا ولا يردنا لارذل العمر ويجنبنا نوائب الدهر .. وياقلبي بقول لك شي المطلقات والارامل واللي عندهم اطفال والمتأخرات عن الزواج كلهم لهم فرص بالزواج سواء من شاب او ارمل او مطلق احلف لك اني اعرف وحده معرفة شخصيه تقول اخوها عمره بالثلاثين يبي حرمة اكبر منه يعني اذا الله كاتب لك الزواج بتتزوجين العمر مو مقياس ابدا ابدا ... اخر شي الله يكتب لك ولي ولكل البنات كل ما نتمنى ويريح خواطرنا ويرزقك كل ما تحبين .. الله يسعدك آية لا تخلين الاحباط يسيطر عليك عشان نفسك مو عشان احد ثاني

RAOUF&RANA
كلامك مشجع لحد كبير , وقد صدقت ..
دوندرمة
أنا آخر وحدة تنحرج من قدر كتبه الله لي وهذه المشاعر من فضله تعالى : )
مع العلم إني مطلقة ( أس 3 )
سيدة الموقف
مش راغبة بالدراسة حقيقة .. صفة الطموح جميلة لكني أعترف أنا لست كذلك , لكني من أقوى المشجعين للطموحين ,
لا تصدقين إذا قلت لك لا يمكن أقابل فتاة متزوجة إلا وأأكد عليها تكمل دراستها , وإذا حصل وشفت مرة ثانية , أقولها وش صار على الموضوع : )
نشبة مو نصيحة ..

مهرة
غير متأكدة ,
مالذي يجعلنا نتأكد من أي شئ في الحياة أنه سيحدث ؟