جربتو و أنا عمري 15
ما بقدر اعتبره حب بعنى الكلمة بس كان اعجاب من الطرفين
كان أخ صديقتي
انا ما كنت ملتزمة و لا حتى متحجبة
و كل صديقاتي كانو واقعين لشوشتن
و الجو ببلدي كان يسمح بالحب بهذا العمر و بيشجعه كمان
بس انا ما بعرف كنت خجولة جدا و جدية لدرجة ما كنت أقدر أطلع عليه كتير و ما حكيت معه غير مرة وحدة و كانت اخته معنا
بس هو كان يجي دايما في طريقي الى المدرسة حتى نتلاقى على الطريق و ننظر لبعض بس
بقينا سنة وحدة بس على هالحال
كان قلبي يدق كتيير لما شوفه و ارجف و ما اعرف وين بدي اطلع
حاول يحكي معي كتير بس انا ما كنت اقبل
بس كان يبعتلي رسائل شفهية مع اخته
ما بعرف يمكن الله حفظني عن هاي العلاقات
و بعدين راح كل واحد في طريق
لانني انا التزمت و انشغلت بنفسي و حفظ القران و الحمدلله
أكيد ما نسيته
بعد فترة تقدم زوجي لخطبتي
ما كنت بعرفه بس أهلي وافقو لانو فيه صفات مميزة
جاي جديد من أوروبا و بيشتغل في السعودية و خلوق وووووووو
بعد فترة من زواجي عرفت من صديقتي انو أحمد كان جاي يخطبني بعد شهر من زواجي
و لما عرف انو اتزوجت انصدم و راح اتزوج مباشرة
ما أثر فيني كتير الموضوع لأنه كنت الحمدلله كتير مبسوطة بزواجي
و زوجي كان مدللني و طاير فيني
بعد فترة عرفت انه طلق زوجته و ما اتزوج من بعدها

من سنتين شفته بالصدفة في كافيه
اطلعت عليه نظرة عابرة
و هو كمان شافني
اكيد اتذكرت الماضي و استعدت شريط الذكريات
بس ما أثر فيني ابدا
متل كأنو شفت مدرستي
كانو شميت ريحة كتبي
كأنو شفت المحلات على طريق المدرسة
ما الو اي اثر الحب اللأول

__________________
أبسط شيء في الأناقة نظافة قلبك