اخي ممكن هي تثقل عليك في ناس كل ما زدت تقرب الهم كل ما ثقله والله اقول جد عن تجربه
انا ما بقول خلص اتركها قصدي غير اسلوبك وتصرفك معها واتبع هذه الطريقه صدقني نسبة نجاحها كبيره
والطرق هي ان ما تتصل عليها ولا مسج ولا اي شي لمدة شهر وارجو ان تمسك نفسك بالغصب واذا تريد ان تطمئن على صحتها من بعيد ل بعيد دون ان تعرف طليقتك اذا اتصلت عليك ما ترد عليها لمدة ايام والاقوى من هذا طلع اشاعه انك راح تتزوج او خطبت وشوف كيف هي راح
تترجى فيك ان شاء الله انك ترجعها اتبع هذا الطرق وان شاء الله راح ينحل كل شي

__________________
رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ
لا إله إلا أنت سبحانك إني كنت من الظالمين
اللهم اكفني بحلالك عن حرامك وأغنني بفضلك عمن سواك

هذا شكله الي بيصير
حتى رد فعلها بعد ما بعثت الورد نفسه
- خليك بعيد عني
- الي انكسر ما يتصلح
- انا ابي أظل بروحي
- انت الحين مو زوجي
- انا ما ابي ارجع ومرات تقول ما ابي أرجع الحين
- انا مرتاحة بروحي
- انا ما ابي ارجع وانطب في نفس المشاكل وانصدم مره ثانيه
- انا للحين شايله عليك
الخ

كلام كله احباط ويأس وأب نفس الوقت في تناقضات لان تشتكي بعدين تقول انها مرتاحه وما فيها شي

اخي الفاضل عبدالله زوجتك بحاجه اليك ولكنها تكابرا والحل باذن الله لابد من ارجاعه الى البيت لا تدع احد يتدخل في حل المشكله بل اجتماعكم هو حل لهذه المشكله
زوجتك تشعر بخذلان اهلها ولكن كبريائها يمنعها من الرجوع فبادر اخي الفاضل بارجاع زوجتك
واتمنى لك السعادة الدائمه دنيا واخره

__________________
لاَ تُوجد سعَادة دائِمة ولاَ حُزن باقِي , كُلها فواصِل لمراحِل جُدد , فَ ابتسِم لاجمَلِها وتجَاهل أتعسُها .

سؤال يا اختي
كيف ايقنتي او جزمتي انها اتكابر بس تبي ترجع ؟

مع راي الاخت
صدقني بعض الحريم جذي
انا يوم زعلت جت فترة زوجي كل اشوي يدق وكنت اقوله انا زعلانه لا تتصل
ويوم تركني واهملني ولا يتصل انجنيت قمت ادعي انه يتصل ولومرة
وساعات اطرش له كلام ملخبط بالواتسب يعني انه بنتي كتبته بس علشان ابيه يرد على
فانت لاتتصل واقطع عنها الاتصال شهر وتشوف اذا كانت فعلا تبيك بترجع لك قبل الشهر
والله يرجع لك زوجتك

اشكرج يا اختي عل التفاعل
بس يا اختي ما اتشوفين ان هالشي خطر وممكن يطفش الرجل؟ اقصد تصرفج هذا في مجازفه خصوصا اذا كنتي فعلا تبينه يرجع

ويمكن انتي نفس طليقتي. من اول ما سافرت بلشت اتصالات عل الاطفال اول يومين بعدين بدت اتخفف جنها تبي اتشوف الاطفال راح يتصلون عليها ولا لا. يشهد الله ان احرص عليهم لحد الحين ان اذا امهم ما اتصلت هم يبادرون بالاتصال. من مجمل مكالماتها معاهم قالتلهم مرتين انها مريضه وتبي اتروح الطبيب. ما اعتقد انه شي زين ان اتقولهم هالكلام و اتوقع انها تبي اتوصلي رساله عن طريق الاطفال.

شرايج يا اختي؟

شكرا لصراحتك أختي والله يوفقك دنيا وآخرة .

الأخ عبدالله .
وشهد شاهد منهن .

__________________
قال ﷺ ( والذي نفس محمد بيده ما تواد اثنان ففُرق بينهما ؛ إلا بذنب يحدثه أحدهما ) .