انا تمام يا نعومة يا حادة يا انت محد يقدر يقرب منك ولا يدوس لك على طرف
ليت حماتك تجي تشوف معرفك هنا ..
طيب خليكي زي السكين الناعمه ذي ان احد لعب فيها جرحته من غير ما يحس ..



لا من جد خلينا نتكلم من الواقع واللي يصير .. الان هذول الاوادم عملو دور بطولة
وكثرو كلام معاك وسمعوك كلمتين هزت بدنك وماتحملتي ورديتي وزاد الجفا بينك وبينهم
الان حايصير لهم كذا لو حاولتي تعملي نفس المشهد..
وانت شايفتهم متحزبين الام والاب والاخ.. وزوجك عكسهم وما يحب المشاكل معاهم ووضح هذا الشي
فالاسلم تنسي الموضوع والرد السليم والصحيح في عيشتك مع ولدهم وتمكنك من حياتك وادارتها
بالطريقة الصحيحة.. وعمر الكلام يابنتي والسب مانقص من قيمة أحد.. وفيه ناس مواقعهم حساسة
في حياتنا حتى لو ما نحبهم .. لازم نجاملهم بحدود ونكتفي شرهم لان فيه هدف اسمى واعظم
حياتك وبيتك وزوجك واطفالك واستقرارك .. كل هذا راح يتأثر اذا حصلت مشاكل مع اهل زوجك
وزوجك مو ما يحبك او شايفهم ماغلطو لما حب مايتدخل بس هو يعرفهم ويعرف طينتهم
وعارف ان الموضوع راح يكبر ويكثر الكلام واختصر عليك الطريق.. وسكوتك مو ضعف ولا قلة حيلة
بالعكس ان دخلتي عليهم تضحكي ولا كأنه حصل شي راح يصير شي من اثنين.. يا يستحو على دمهم او يكتشفو الحقيقة المره انهم مايشكلو شي في حياتك ولا قامو ولا قعدو وتزعلي ليه من ناس ماتعني لك شي!!
انا عارفه انك من الناس اللي يقولو اثبتي شخصيتك ولا تخلي الموقف يعدي بسلام عشان مايكرروها
بس هذا المنطق مايمشي مع كل الناس .. فيه ناس الحماقه تغلب العقل وماهمهم بيت ولدهم يخرب ولا يعمر
يابنتي وولدهم عندهم تركوه وراحو مطعم ووصل عندك لوحده كيف بالله اذا استوت مشكله بينك وبينهم
وبصراحه ومن الاخر باين عليهم لو تقولي كلمه ردو بعشر يعني ماراح تخلصي منهم وراح يسحبوك لادنى المستويات في الادب والاحترام وانت بكيفك..
موفقه يارب