انزين اختي لو تضيفين شرح بسيط جدا للأحاديث مثل .. عفة المطعم؟
وأختي حديث ما اصابك لم يكن ل يخطئك ما فهمته لليوم بالرغم أني سمعته عشرين الف مره و قريت له تفاسير بس مَش قادره افهمه الله يسعدك فالدارين

السلام عليكم ورحمة الله وبركاته

هلا اختي احيانا احط المعاني الصعبة
بس عفة مطعم حسبتها واضحة ومعناها أي لا يطعم حراما ولا ما قويت الشبهة فيه ولا يكثر من الأكل.

أم عن حديث ما أصابك لم يكن ليخطئك
وما أخطاك لم يكن ليصيبك
هالحديث عن الرضا بقضاء الله وقدره
بشرح لج بالعامية
يعني مثلا رزقج الله بمال أو أصبتي بمرض بعيد الشر عنج
هذا المال أو المرض اللي صابج مكتوب لج انتي ما بيروح لغيرج وبيتخطاج
واللي مكتوب لغيرج من رزق او أي شي ما بيتخطاهم وبيصيبج انتي
فكل شي بقضاء وقدر من الله
لكن هالشي مو يعني إنا ما نتخذ الاسباب
يعني مثلا تقولين الله كتب لي المرض حق شو اتعالج
لو كتب لي الشفا بشفا
وهذا خطأ الانسان يتخذ الاسباب لكن كل شي بأمر الله
هو وحده الشافي واللي يدفع البلا والرازق
اتمنى شرحي وضح لج الصورة

__________________


سبحان الله وبحمده عدد خلقه
ورضا نفسه وزنة عرشه ومداد كلماته