اخوي انا راضية بالقضاء والقدر وراضي على الي حصل لي بس والله العظيم داخلي شعور بالندم يقطعني مهما تقربت لربي ومهما سويت يلازمني ياخي دامه تزوج اختي مستحيل انساه. انا وحدة ضعيفة ما اقدر اعيش بدون رجل يقوم علي صح في حريم ما شاء الله عليهم يقدرو يقومو ببيت لحالهم بس مو انا. محد يعرف فيكم كيف كنت عايشة عنده والله رجل بكل ما تعنيه الكلمة ما توقعت في رجال مثله عاشرت متزوجات كثير وكلهم يشكو من ازواجهم لدرجة اني توقعت انه مافي رجال مسنعين في الزمن ذا بس لمن رزقني الله بطليقي الاول عرفت ان الدنيا فيها خير. وغلطتي اني ربطت السعادة بالاطفال وتركته مجروح سنين واليوم انقلبت الادوار. حققت امنيتي وانجبت توأم بس كنت اهان وانضرب وكرامتي تندعس بشكل يومي من طليقي الثاني عرفت ان الاطفال مو كل شيء واليوم اختي الصغيرة هذه بالذات كانت قبل الزواج وحدة منعزلة منطوية ما تحتك في احد كانت نكدية بس بعد ما تزوجت طليقي تغيرت تماما صارت وحدة فرفوشة ومبسوطة دايما وكل ما اشوفها بذي الحالة اتعب زيادة والله ماني حقودة بالعكس احبها واتمنى لها كل خير وولادتها راح تكون خلال الاسبوعين ذي تقريبا وربي يتمملها على خير بس القصة اني ندمانة والندم مقطعني. والله معد فيه رجال خلصو من بعد طليقي كل الي يتقدولي الحين يا مسيار او شايب بعمر ابوي او ما يبغى اولادي وشروط مستحيل وحدة عاقلة توافق عليها. كلمت ابوي على اساس يقلل طليقي زياراته بس مو معطيني وجه يقول انه زي ولدي وبيتي مفتوح له اي وقت ما تشوفون ابوي قد ايش يحبه وشاريه يقول انه يبر فيه اكثر من عياله ابوي شاريه لدرجة ان يقول انه لو حلال كان اعطاه اختي الثانية بعد