ملكه حبيبتي الله يسعدك انتبهي ترى عقلك الباطن مخزن القصص اللي كنتي تشوفينها في عملك وواضع فرضية انك بتكونين مكان احدى هذه النساء في يوم ما ..

افصلي بي واقعك وعملك تخلصي من السلبيات اللي انتي محتفظه بها لهالحالات اللي درستيها .. انتي غير وظروفك غير وحتى زوجك غير .. اعتبريه أسد ومهمتك ترويضه ..

الله يسخر لك زوجك ويجعل لك من هم فرج ومن كل ضيق مخرج .. الله معك..

__________________
استغفر الله العظيم وأتوب إليه .. سبحان الله ..الحمد لله.. الله أكبر

على فكره كلامه لما قال بيخلي ابوك يدفع 200 ألف والولد تحلمون فيه كله تهديد بس عشان يخوفك من انك تقدمين على هالخطوه .. وزوجك يمكن لما قال غصب عني انه فعلا عصبيته مرضيه اتوقع والله اعلم انه يعاني من عصبيته أكثر منك ..

حابه بس اعرف انتي مهرك فعلا كان 200 ألف؟

اذا جلستم جلسة هادئه وتكلمتوا اطلبي منه يتعالج عند معالج سلوكي ويكون هذا شرطك للبقاء والاستمرار معه..واذا رفض هدديه اناي مجرد تهديد انك بترفعين عليه قضيتين في المحكمه ..خلع وحضانة الولد .. وكلها بتكسبينها بكل بساطه .. كلامك يكون تهديد له لانه بيفكر ألف مره في هالكلام .. واذا عصب وثار لااااتردين عليه ابدا .. لانه بيكون فاقد السيطره ع انفعالاته..

صدقيني ياملكه لو توقفين معه وتساعدينه يتعالج انك بتشوفين انسان ثاني لانه معروف الشخص العصبي يكون قلبه طيييييييب وسهل المراس اذا كان رايق ..
محتاج بس توجيه سلوك كيف يسيطر على نفسه اذا تعرض لموقف يثير الغضب.

__________________
استغفر الله العظيم وأتوب إليه .. سبحان الله ..الحمد لله.. الله أكبر

تعرفين يا ملكة.... يمكن هذه العصبية هيه طريقة عقله للتنفيس عن ضغطه ...

فلما يصارخ و يعصب لا تأخذين الموضوع ب شكل شخصي اتخيلي عقله بلون مضغوط و بدا ينسم عشان يحافظ ع صحته ... مافي الا هذه ألطريقه .... واضح انه مش عصبي بسببك بس للأسف انتي في وجهه المدفع ... عطيه مساحة يفرغ فيها عصبيته ... اول ما يبدأ بالعصبية انظري له باهتمام .. و ردي عليه ب حاضر وانتي تنظرين في عينه ... لما يروق قوليله وش رأيك فيني لما عصبت وجتك ام دويس .. وكل ما يعصب لاحقا ذكريه انه هاذي العصبية تسمى ام دويس والله يعينه عليها

اوقات الواحد لما ينضغط عليه ويتنفذ كل صبره
اكييد بينفعل

لم يكن الاستفادة من تجارب الاخرين اسقاط
انما هو للعبره عزيزتي

لا يااختي انتهى زمن الرجل يحب والرجل يكره ايضا المراءه تحب والمراءه تكره
ولكن ربما كما قلتي التزم الصمت حتى يؤرقه ذلك
ساافعل

ههههههه حلوه اسد بالعكس خفت اكثر
الله يسعدك غاليتي

ساافعل بغض النظر عن التهديد لانه التهديد نتيجه عكسيه

ماحدث انتظرت اهلي ويوم السبت
حدثت مشادة قووية
وطلبت منه الطلاق والحيييت بقووة
وقلت ابي اهلي من جد
وقال بكيفك
رحت جهزت اغراضي واغراض ولدي
لما خلصت لبست عبايتي قال دقي على احد من اهلك يجي ياخذك
رفضت طبعا مو في صالحي اطلع مع غيره
قلت انت توديني قال انا مااطردتك وهذا بيتك
وماني موديك قلت اوك كلمة وحده لاتقولها لي
لا امر ولا نهي
كل يعيش براحته انا من جد ابي انفصل عنك
ومابي عمري يضيع وانا منفصله ومعاك بالبيت ابي اشوف حياتي
كان عندي موعد ضروري اروح له
وهو قال تجهزي لموعدك فقط
ورحنا وطوول مااحنا بالسيارة وهو يحاول يفتعل امور عشان يتقرب مني
حس اني جاده بانه اتركه
الاحد مرض ولدي وارتفعت حرارته
قالي خي ولدك واطلعوا بنام وراي دوام
وانا اتالم من اذني الم فظيع ووكاني فقدت السمع جزئيا
جلس ولدي يبكي واول مره بحياته ينطق بالفصيح ويبدي تالمه قمت ابكي
ورحت لزوجي اصحيه قلت الولد يتالم ويتكلم
وحرارته 39,7
واحس بدقات قلبه تخترق حضني وحرارته وربي مااقدرت احطه بحضني من حرارته
صحيته
وكالعاده صراااااخ والفاظ
انفعلت قلت ظرف طارئ
واذا ماتشاركنا بهالظرف متى تبي تشاركني اذا مات
وجلست ادعي انه ربي يجعلك تحس بالي هو يحس فيه
وولدي شبه مغمى عليه
ماخليت خافض الا ماعطيته بدون اي استجابه
وهو اهم شي عنده النوم
اهم شي نفسه ونومه وملابسه واكله
صرررخت ولبست وقلت اوك انا باطلع واي سيارة باروح معاهم
ماينفع اذا فقدت ولدي
بس وربي مالي رجعه لك وتشوف
وقمت لبست واخذت شنطة لولدي لانه كنت عارفه ينومونه سبق وصارت له
لحقني قال لاتروحين بوديكم
وجلس طول الطريق يراضيني ويتغزل فيني
تخيلوا مدى عقليته
ودخلنا المستشفى واخذوا ولدي على الانعاش
يالله بتنفس روح امه
قمت ابكي وقلت له والله من فوق السماء ماارجع لك لو تمووت
ولو صار لولدي شي واقسم بالله مااعرف غيرك قاتل له
لو قدمنا ساعتين مااصار كذا
دخلوا ولدي الانعاش وشالوا ملابسه وانا منهاره نفسيا وجسديا
من زوجي كلها
حاول يكلمني ورفضت
وفعلا ماعاد سمعت بااذني الا تقريبا ثلاثين بالمية
لما تكمنت انه ولدي نزلت حرارته وهو بالانعاش ماتحملت الم اذني
رحت عيادة الاذن قال وين قلت بروح تعبانه
لحقني قال ماتروحين لحالك لدكتور
دخلنا عالاستشاري
كشف على اذني
قال اذنك ماشاء الله نظيفه كانه مراية
قلت تاكد قال متاكد
المهم عمل لي تخطيط واختبار للفك
وقال عندها فقد بالسمع جزئي بسبب تعرضها لضغط او ضربه على نفس المنطقه
على منطقة الفك الي هي الوجه
طبعا هذا من زوجي المحترم لما مسك فكي بيده بقووة يوم الخميس لما تهاوشنا عشان اختي
زوجي انصدم مرررررره وناظر فيني قال لا يمكن من الاكل ههههههههه
يبي يبعد الشبهه عن نفسه
قلت دكتور هالرجال الي قدامك مد يده على فكي
قالي الدكتور الحياة قصاص
وتبين تقرير
زوجي انفعل وقال انت ماتفهم ووووو
قال الدكتور اوك خذها ووديها اي دكتور وشوف وش يقول
طلعت وقلت لزوجي الحمدلله عندي اثبات يقدر يخلعني منك اي شيخ
وباخذ تعويض
ورب البيت لااخذ حقي من داخل عينك
استغليت طيبتي لممارسة عصبيتك ووافعالك
رحنا لولدي
وطلبت منه يروح ماعاد ابي اشوفه
كلمت ابوي قالي انا بالمستشفى اعمل تخطيط قلب تعبان
الله يخلي لنا ابوي لو مو ابوي بعد الله كان ضعنا كلنا البنات
سكت ماعلمته
لو علمت احد غيره الكل بيقول تحملي
قال زوجي اذا تبين انا بااطلع بس لاتفشليني مع عمي وانسابي
والله مااحد فيهم قصر معاي
وكلمة حق انتي بعد ماقصرتي وتحملتي الي ماتتحمله بنت في بداية زواجها
بس ترى انا عشت حياة وطفوله نكدية
لا ام ولا ااب
اب متوفي وام متزوجه ولها حياتها
عشت مع اخواتي واخواني من ابوي
ولو بس العب وانا عمري خمس واتوسخ انضرب
وانهان لدرجه مره انشق راسي
يقول فلانه وفلانه وفلانه عذبوني
فلان وفلان اخذوا حقي
فلانه وفلانه لما رحت الجامعه وصار لي سيارة بس تدق وتعاملني كانه سائق
فلانه بعد ماتوظفت تحاول تسحب مني فلوس وانا ابي اجمع لزواجي
واستحي ارفض لهم
اخوي خلاني اطلع قرض وهو تزوج فيه
والله رحممممته من قلبي
وحقدت على اهله
قلت اسمح لي مااعاد نتواصل مع ناس يسببون لك تعب وترجع علي
وش ذنبي انا الزوجه يطلع كل حرمان هالسنين فيني ويسب ويعصب
مفروض يكسبني ويحبني ويتمسك فيني
كنت حاسه وربي وكنت احاول اكسبه
عاملته طفلي المدلل
رحمته حبيته قننت طلباتي ومتطلباتي عشانه
قررت اعطيه فرصه
وطلبت منه يفضفض لي عشان يرتاح ويقللل من انفعالاته
طلبت نعمل اي شي للتنفيس
قال لي علاجي بالهجرة
ودي ابتعد عن كل السعوديه

الكلام يطول ويطول والحروف تختصر من نفسها الالم
مهما كتبت تعتبر قصرا لمعاناتي

ملكة ... ذكرني ب طليقي لما فضفض بظروفه حتى أشفق عليه ... لو مب ولدك بقولك قلعيه ... فرصة اخيييييييييييرة و خوذي التقرير معك وانتبهي من الحمل .... لو تكون ظروفه مميته مش من حقه يسبب لك اي عاهة ... الله المستعان

كل شي موجود
والطبيب حسيت منه انه يبغى لي الامان
وقال كل شي باحطه بملفك
وقالي لي الحياة قصاص
الحمدلله قبل اروح للطبيب بربع ساعه
كلمت مواعيد المستشفى وطلبت موعد

عشان لو مافيه مجال
مااضيع وقت وابعد عن ولدي
كثير
وقال بعد ربع ساعه يعني ملفي ححصلته قدامي
كل شي بينحط بالملف
فعلا اذني احسها مقفله ويالله اسمع فيها