جميل أن نخرج قليل من دائرة المشاكل والهموم.

عاشقة القهوة وكلنا للقهوة عشاق ، ردك ذكرني فيما مضى(الكفكيره) ترا اول مرة اسمع بهذا الاسم؛ تذكرت يوم كنا بالسكن دقت علينا بنت شقتنا قالت: عندكم( بكرج) أيامها توي مالي شهر بالجامعة عاد أنا مدري وش هو ( البكرج) احتياطا وما ابغى اتفشل قلت: لا؛ رجعت للبنات هاه مين على الباب قلت: فلانه تقول عندكم ( بكرج) قلت لها لا " بس حسيت البنت متنحة بي وبالطاولة الي بالصاله مدري وش عندها. المهم فجاءة ويقوم الضحك اقول وش فيه ماحد يرد علي. آخر شي عرفت انه تبغى( قمقوم القهوة)؛ حنا نقول له (قمقوم اتوقع معناه يلقم القهوة مدري هو صح كذا من راسي (.. الفشيلة انه البنت معي بالقاعة وبنفس القسم وبالكشف بعدي اسمها كل ما أشوفها أتذكر الفشيلة . عاد البنات قالوا روحي لها واعطيها ( القمقوم) قولي انك ماتدرين وشسمه قلت: بالأحلام تبغوني اتفشل المفروض اني صلحت الموقف بس أيامها على قولتهم مافيه عقل😬

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.